دار المسنين !!!

السلام عليكم ورحمة الله

دار المسنين

ظاهره توجد فى مجتماعتنا بشكل كبير جدا وللاسف معظم الابناء يظنون انها ليست عقوق

وانها الحل الامثل لرعاية الاباء والامهات

فما رأيكم بهذا ؟؟

هل دخلت\ى من قبل دار المسنين ورأيت\ى احوالهم ؟؟

ما الحل من وجهه نظرك لمنع هذه الظاهره ؟؟

هل تظن ان من ينشأ دار للمسنين آثم حيث انه يشجع الابناء على فعل ذلك ؟؟

هل يستحق الاباء والامهات فى هذا السن هذه المعامله مهما كانت ظروف الابناء ؟؟

وهل وهل و .. اسئله كثيره فى هذه القضيه

انتظر تفاعلكم ومشاركاتكم

دمتم فى حفظ الله

كلامكم سليم

انا دخلت دار المسنين مرة واحده تبع المدرسه وكانت مرة ما يعلم بيها الا ربنا

بجد فضلنا كتير نفسيتنا مدمرة من اللى شوفناه هناك

حال الاباء والامهات هناك ومحدش بيزورهم ولا بيهتم بيهم وكل واحد فيهم

حكلنا قصته ده غير البكاء بقى واللى عملوه ومع كل ده مسمعتش حد فيهم بيدعى على عياله .. كانوا بيدعولهم من كل قلبهم .. حالهم بجد كان صعب اوى ومكنوش عايزينا نمشى ونسيبهم

اكتر حاجه زعلتنى هناك ان المعامله مش زى ما احنا فاكرين بيعملوهم كويس لا كانوا رخمين جدا معاهم وفى واحده زعقنالها يومها وقالتلنا قدامهم اذا كان عيالهم ما استحملهمش احنا اللى هنستحملهم وقدامهم الكلام ده !!!

مش عارفه الابناء حقيقى بيفكروا ازاى مفروض اقل حاجه نعملها رعايتهم وحناننا واهتمامنا بيهم .. ربنا يهدى الجميع

انا كنت قرأت قبل كده فتوى واحد بيسأل عن الموضوع ده الشيخ رد عليه وقاله الافضل انك تأجر لوالدك شقه وانت اللى تروح ترعاه مش دار مسنين وهما اصلا مش هيرعوه

وانت نفسك هتهتم بيه شهر اتنين وتنساه وفعلا عنده حق ودى كانت معظم شكاوى الناس فى الدار
ربنا يتولاهم برحمتة وياريت لو تحاولوا تزوروهم تدخلوا عليهم السعاده .

ده وصف حالهم هناك