هل شخصيتك فى المنتدى تتطابق معها فى الواقع ؟؟

انا مش جرئ اوي بس حابب ارد ..
من ناحية المثالية وكدا .. اعتقد اني لست بالمثالية التي اراها في نفسي حينما اكون في المنتدي ( دا باعتبار ان المثالية ممكن تتمثل في الردود )

طيب هل دي حاجة وحشة !!

مش عارف بس هقول رأيي بردو ......... انا مش شايف اي اسباب تخليني اتعامل بشخصيتي اللي انا شايفها في نفسي عالمنتدي

طب ليه يعم ؟

لان ببساطة في حاجات انا مش شايف ان الناس كويس انها تعرفها عني ...

يعني من الاخر عشان محدش يفهم غلط

دلوقتي هنفترض ان حضرتك فهمتي انو انا محترم من كلامي وموضوعاتي وردودي والكلام دا كله

اوكي شكرا جزيلا لحضرتك انو حضرتك اخدتي فكرة كويسة بحسن نية عني

فحضرتك المستفيدة لانو حضرتك احسنتي الظن بالناس

اما عن مكنون شحصيتي الواضحه عالمنتدي هتتلاشي بمرور الايام وبانقضاء الفترة اللي احنا فيها علي المنتدي مع بعض

فلا داعي انو حضرتك تكوني عارفه شخصيتي بالتمام والكمال

طب هل دا نفاق !!؟؟؟!!

رأيي بردو :

انها طالما حاجة لاتؤذي الاخرين فهي دلوقتي بقي تعتمد علي نية الشخص

يعني يا جماعه انا شايف اني انا انسان معقد وتفكيري غريب و و و و و

هل كويس لما اتعامل بالكلام دا عالمنتدي ؟؟؟؟؟؟؟؟؟؟



ممكن الناس شايفين اه الردود حلوة وايموشنز وهزار ... فعالاقل دي تعتبر حاجة كويسة بتمشي الدنيا عالمنتدي

لكن لما اجي اتعامل بكل ما في شخصيتي عالمنتدي ................... مش هيبقي في الروح اللي ممشية المنتدي دلوقتي


طالما كل كلامي وردودي بشكل كويس ( مش بيميل لاغراض تانية ) انا شايف ان مش مطلوب اكتر ولا اقل من كدا اني اعمله

وربنا يسامحنا ان كان في اخطاء !!



شكرا

########################

( دا باعتبار ان المثالية ممكن تتمثل في الردود )

انا كتبت كدا فوق

وبقول : ان الردود دي .. لو الواحد بصلها كدهو عادي خالص .. الموضوع بقي عادي جدا

من غير ما اعد اقول دا فلان كان بيقول لفلان اذن فلان وفلان بيساوي بطيخ

كدا يعني ..

بس كدا

مش في كل الاحوال ينفع ان الواحد يتعامل بطبيعته

مثلا انا واحد قليل الادب !!

هل ادخل المنتدي واتعامل بقلة ادبي دي !!

لكن لما اجي اتعامل بكل ما في شخصيتي عالمنتدي

مستحيل يكون فى حد هنا فى المنتدى بيتعامل بكل ما فى شخصيتة فعلا........
دى حقيقة......
وغير كدا وكدا مهما كان كلامنا هنا فهوا حيبقى انطباع جزئى او بسيط للشخصية اللى ادامنا
لانة مهما كان
كلام على ورق
كلام على نت
كلام ظاهرى ولا يمثل سوى هيكل ظاهرى وسطحى جدا للشخصية اللى ادامنا
اذا فى النهاية
ممكن تكون فى غلطات
بس بالنسبالى اما اجى اكتب كلام او وجهه نظر يا اما اكتبها صح
يا اما لو انا بعمل حاجة غلط فى الحقيقة مش حرد عالموضوع من اصلة
اذا معنديش اختلاط نوايا لا سمح الله ولا عندى انفصام فى الشخصية
بس اكيد المثالية لازم تظهر فى المنتدى
لان اللى عنده كلمة بيفكر فيها قبل ميقولها
فلازم تطلع بشكل حلو

دا رأيى وشكرا ليكى جدا

[quote]هل الشخصيات التي نظهر بها في المنتدى تطابق شخصياتنا الحقيقية ؟؟؟ [/quote
ايوه ..بنسبة حوالى 80 % مش عشان كذابه او منافقه
لكن برده مش كل حاجه جوايا بتطلع عالمنتدى وفى ردودى

هل حقاً شخصياتنا خالية من العيوب والأخطاء كما هو واضح عند مناقشة

أي موضوع يقدم نقداً لأي سلوك أو تصرف غير سليم ترانا نتبرأ من هذه السلوكيات

وكأننا لم نسلكها أو نعرفها مع أننا ممن يقوم بهذا السلوك ......

محدش خالى من العيوب
لكن فى ناس كتير ممكن متردش عالمواضيع غير لو عندها كلمه حلوة
موضوع مش عاجيها محدش غاصبها ترد وتنتقد صاحب الموضوع باسلوب مستفز ممكن يكره الناس فيها
وكون ان الموضوع ده مش عاجبها فهو عاجب ناس تانيه ...

بنسبة كم في المائة تُمثل الشخصية الحقيقية من شخصيتك بالـمنتدى؟؟؟

حوالى 80% والجزء الباقى محدش يعرفه غير المقربين ليا

تأثرت بشخصية الـمـنتدى ؟؟؟

** ماذا قدمت لك الشخصية الـمثالية (شخصية المنتدى)؟؟؟

وإلى أي مدى تشعر بانتمائك لها؟؟؟

*****ما هي أسباب اختلاف شخصيتك الحقيقية عنها في الـمنتدى؟؟؟

شخصيتى عالمنتدى هى شخصيتى فى الحقيقه مع اصحابى ولكن مع بعض التحفظ
والاسباب:
*ان اه ممكن اهزر مع اصحابى وممكن اتكلم بطبيعتى بس مهما كان لازم يكون فى حدود عالمنتدى
*سبب تانى ممكن انا اكون تعبانه او متضايقه بس مينفعش ارد على حد غلط او انى اشيل همومى للناس وهما مالهمش ذنب
*ممكن اكون مش عاجبنى طريقه تفكير عضو او اسلوبه وتعامله مع الباقى بس برده لانى بحترم نفسى قبل مابحترم الشخص ده
عمرى مهرد عليه باسلوبه ولا هاحط نفسى فى نفس المكان اللى هو فيه
فبالتالى مش هبان على طبيعتى
بالنسبالى دى الحالات اللى ممكن شخصيتى متبانش كامله لو حصلت حاجه منهم
موضوع مهم يامورا ..شكراا ليكى