مصر ليست امى ..دى مرات ابويا

السلام عليكم ورحمه الله وبركاته
العنوان غريب صح ؟
هو فعلا غريب
العنوان ده عنوان كتاب لكاتب ناسيه اسمه دلوقتى
هو عباره عن مجموعة مقالات بتتكلم عن مصر
فى حلوها ومرها
بس فى سؤال دلوقتى انت ممكن
تقول فى يوم ان مصر دى مش امى دى مرات ابويا؟؟؟؟؟؟؟؟
اصلا اصلا لما بتقول مصر دى امى بتكون قصدك مين اللى بيقوم بدور الام؟؟؟
هل الشعب؟
ولا الحكومه؟
ولا قصدك مصر بحضارتها وتاريخ اجددنا والارض نفسها؟
يعنى مين فى نظرك انه امك ؟

وفى البرنامج امبارح وهما بيسالوا الكاتب ده وبيقولوه
انتى ليه بتقول مصر مش امى
قالهم لانها معدتش بتقوم بدور الام
سواء حمايه عطاء حب وامان معدتش بتحمى ولادها وتخاف عليهم
ده كان رد الكاتب
انت شايف فعلا ان مصر كده معدتش بتقوم بدور الام
ولو هى فعلا كده ممكن مره تقول عليها مش امى
وفى سؤال محيرنى اوى
انت شايف ان مين اللى وصل مصر الى اللى هى فيه ده؟؟؟؟
شعبها اللى هو انا وانت وكلنا ؟
ولا حكومتها ونظامها كله؟
ولا احنا الاتنين؟
عاوزه اعرف مين فى نظرك اللى وصل مصر كده
ولما تقول ممكن تقولنا افكارك كشاب (قصدى ولد وبنت)
اللى انتى شايفها عشان نرجع مصر تكون امنا
يعنى انتى شايف ايه اللى ممكن يصلح الحياه اللى احنا عايشنها دى
الموضوع ده بجد شوفته امبارح فى برنامج وعجبنى جداااااااااااااااااااااااااا
وقولت انزله اهوه موضوع مفيد للناس
هتفهمه منه احنا عايشين ازى وهتساعد ولو بافكار لتصليح الوضع ده وعشان محدش يقول المواضيع مش ليها لازمه
وبجد احنا ياشباب لازم نعرف ايه اللى بيدور حوالينا ولازم نفهم مين الصح ومين الغلط ونشارك فى تصليح الغلط ده
مش احنا شباب المستقبل
سورى على الاطاله
سلام