الرئيسية
في البداية احب اوضح الفكرة من الموضوع كتر في الفترة الاخيرة في المنتدي النقاش في موضوع الزمالة بين
الولاد و البنات
اعتقد ان احنا هنا في منتدي (اية السؤال الغبي دة اة اكيد)؟
طيب احنا في منتدي ولاد و بنات ( برضة اكيد ) !
فين المشكلة اعتد ان احنا هنا مع بعض ولاد و بنات كلنا بنتكلم في نفس المواضيع و بنرد علي بعض ببساطة
و الكلام = نقاش طيب احنا هنا بـ انهي صفة ؟ اصحاب ولا زملاء و لا اصدقاء و لا اية ؟
اعتقد ان افضل توصيف هيكون زملاء و دة علي الاقل ان احنا في نفس الكلية صح
يعني
مثلا اي موضوع بيتحط في المنتدي بيرد فية ولاد وبنات و بيردو علي بعض و
بيكون في نقاش يعني المنتدي ليس مقسوم مواضيع رجالي و مواضيع حريمي
طب ياجماعة اعتقد ان احنا هنا بنتناقش بـ اسلوب بريئ ولا اية ( وربنا اعلم بـ النوايا ) يعني اقدر اقول علي الي احنا فية دة اية غير زمالة بريئة
في نفس الوقت وجهة النظر المنتشرة بتقول ان مفيش حاجة اسمها زمالة بين ولد و بنت ولا زمالة بريئة ولا حاجة !!
و الكلام دة مكتوب في اكتر من موضوع في المنتدي و المواضيع دي الي بيرد فيها ولاد وبنات برضة
يعني في نقاش بين الولد و البنت الي هم زمايل ( ولا انا غلطان )
طب
افهم اشمعني علي النت الموضوع عادي و النقاش مفتوح بين الولاد و البنات و
في الواقع لا بمعني ان لو كان نفس النقاش الي في صفحة المنتدي موجود في
الواقع بـ
نفس الكلام ونفس الاشخاص كان الرئي هيكون ان عيــــــــــــــــــب و ازاي تؤل حاجة زي كدة و مينفعش و مش بعيد ان ممكن الي يؤل كدة يضرب ؟
طب
هنا لما ؤلنا ان النقاش هيكون ادام الناس كلها و الكل شاهد و سامع مش بشكل
خاص و محدش يعرف حاجة عن الكلام الخاص بينهم و بين بعض علي النت
بـ قول ان النقاش هيكون علي الملا طبعا مش في مكروفون بس ادام الناس هنا هيكون عيب و نفس الكلام بالحرف لو اتقال في المنتدي مش عيب
حد يفهمهالي ؟ طب ممكن اكون انا الي مش فاهم او الي غلطان او اي حاجة تنية بس حد عائل يفهمني .
و الكلام علي ان الزمالة و بين الولد و البنت دي لازم تئلب بـ تعلق و حب و ارتباط او اي حاجة ؟
برضة
مش فاهم لية طب مهو نفس الموضوع في المنتدي يعني بنت بترد علي ولد في
المنتدي و في االمواضيع الي هو بيكتبها ديما و عجبها تفكيرة و هم زمايل بس
طب دة
مش ممكن يكون بيودي الي تعلق و حب و الحجات دي
يعني احنا هنا وئعنا في فخ العالم الافتراضي يعني كل واحد حاسس ان هو علي النت مش معروف هو مين و انسان تاني و محدش يعرف عنة حاجة فـ بيتعامل ب شخصية
تنية و اسلوب ممكن نئضر نؤل متحرر اكتر
بل
المشكلة الي بتسبت ان النت ممكن يؤدي الي تعلق اكتر ان الانسان بيظهر احسن
حجات عندة بس بدون المساوء يعني كل ميلائي موضوع جاد و هادف يخش يرد و يؤل
شكرا حتى منغير ما ؤيقرا الموضوع !!
و بكدة الناس مش شيفة الجزء
الوحش الي فية و لو جة يتكلم مع حد الكتابة بتتيح فرصة كبيرة في التراجع
عن الاخطاء لان الانسان بيكتب و بعدين بيقرا الاول ابل ميبعت
و ممكن يعدل
انما الواقع لا يتيح الفرصة لان الانسان الي بيفكر بيفكر ابل ما ينطق و ليس بعدها و رد الفعل المباشر هو الي بيوضح الشخصية
فـ دالواتي مين من الاتنين هو الي ممكن يؤدي الي التعلق اكثر
طب فرضا جدلا ان احنا اثبتنا دالواتي ان الاتنين غلط يعني الكلام او النقاش الهادف بين الزمايل ديما بيقلب بـ حب طب الحل اية
انا طبعا رافض وجهة النظر دي لان المشكلة الاكبر هي كانت الي هيجي بعد كدة
بعد كدة : الكلام علي الحب نفسة يعني الكلام علي الحب عن طريق الزمالة او عن طريق النظر ؟ طب برضة انا هفرض ان انا اللي مش فاهم
لو فرضنا كدة طب الحب بيجي ازاي بين اي اتنين غير ان هم بيعرفو بعض زمايل يعني
او مثلا اقارب او اي حاجة طب مهو الانسان مش هيحب حد هو مشفهوش قبل كدة ولا كلمة طب هو هيعرفة منين عشان يحبة ؟
اعتقد ان شغلانة الخطبة هترجع تاني و العريس هيشوف عرستة يوم الزفاف وطبعا هتكون اول مرة يتكلمو مع بعض
حد موافق علي كدة
يعني اتنين ميعرفوش تفكير بعض هيكونو في شراكة العمر كلة و هيربو اطفال (ان شاء الله )دة احنا سعتها هنشوف جيــل
لو نرجع تاني لموضوع الزمالة هل المرأة العاملة ملهاش واحد اسمة زميل في العمل
بيتكلمو مع بعض في الشغل و بس ؟ اة وبس ولا دة هيكون اسمة اية
و محدش يؤلي مش هيتكلمو مع بعض لا هم مش كرسيين في مكتب و علي الاقل الشغل بيحكم .
في النهاية
هل في حاجة اسمها زمالة بين ولد وبنت زمالة فقط و تقف عند الحدود دي منغير متقلب علي اي حاجة
في زمالة بين الولد و البنت ولا لا ؟
انا من وجهة نظري ان في اة في زمالة بن الولد و البنت
)
