الأمتحان النهائي للدورة

السلام عليكم ورحمه الله وبركاته

خلااص وصلنا لنهاية الدورة الحمد لله يا رب بس الناس تكون استفادت من الدورة و معدتش باقي غير الامتحان النهائي
و اللي هيحكم بشكل كبير مين اللي هيطلع الخمسه الاوائل

الامتحان عباره عن قسمين

القسم الاول 5 اسئلة
القسم الثاني عبارة عن سيرة ذاتية فيها اخطاء المطلوب منكم انكوا تطلعوا ايه الاخطاء دي

الامتحان

الجزء الاول :

1- حددت هدف لك ومؤمن به تماما وتسعى لتحقيقه وعند الوصول إلى منتصف الطريق يعارضك أهلك ضد هذا الهدف فماذا تفعل ؟


2- ستفتح شركة للاستيراد والتصدير ويخوفك البعض منها وأخبرك صديقك بتجربته وفشله في مثل نفس المشروع
ماذا تفعل ؟

3- أثناء المقابلة قيل لك : ما هو الراتب الذي تتوقعه ، كيف تجاوب ؟

4- أثناء المقابلة قيل لك : ما هي نوعية الأشخاص الذين تفضل العمل معهم ، كيف تجاوب ؟

5- أثناء المقابلة قيل لك : هل أنت مستعد نحن نريد التعاقد معك الآن ، كيف تجاوب ؟

الجزء التاني :

تصحيح السيرة الذاتية

Doc || Pdf

التصحيح ممكن يبقي عباره عن شكلين يا اما
تبعت الاخطاء وتصحيحها علي شكل نقاط
يا اما تصحح في الملف نفسه وتوضح التصحيحات باللون الاخضر او الازرق

طريقة التسليم

الجزء الاول من الامتحان هيتبعت لهند في رسالة خاصة
و الجزء التاني هيتبعتلي برده في رسالة خاصة

اخر موعد للاستلام
يوم الجمعة الموافق 25-6-2010
يعني بعد الامتحانات ان شاء الله

النتيجة هتظهر ان شاء الله بعد الاسبوعين بتوع الامتحانات
معلش احنا عارفين انها هتبقي متأخر بس عشان ظروف الامتحانات مش هنقدر اننا نصحح الاجابات وكده

طريقه التقيم وحسب الدرجات
كل درس من الدروس فاتوا عليه خمس درجات
4 درجات علي التنفيذ
1 درجة علي الحضور
يعني الست دروس عليهم 30 درجه
الامتحان النهائي عليه 70 درجه
50 درجه علي الخمس اسئله
و 20 درجة علي تصحيح السيرة الذاتية
يبقي كده المجموع النهائي 100 درجه
و هنحط بأذن الله درجات كل الناس في اعلان النتيجة


اخر حاجه كذا نصيحه وانتم بتحلوا الامتحان

حاول تقرأ السؤال بتركيز وتعرف ايه المطلوب بالظبط
حاول قبل ما تجاوب السؤل تاخد وقتك في التفكير
عيش الموقف بتفاصيله وحس بالظبط ايه اللي المفروض يتعمل
لو اثناء ما انت بتجاوب حسيت انك مش قادر تفكر او زهقت توقف عن الاجابة و ارجع كمل في اي وقت تاني
حاول تستفاد من الدروس اللي اخدناها في الدورة
لو عندك اي استفسار و لو كان بسيط اساله في الموضوع هنا وان شاء الله هنجاوب عليك
اخر حاجه حب الامتحان عشان يحبك

و اخيرااا
بنتمنالكم التوفيق