الرئيسية
** أحبك **
----- أحبـــّـــــــــــــــــــــــك -----
أحبك وقت عصرية ----- بيستعجل ميعاد الشاى
واحبك آه مراكبية ----- معـديّة فى صوت الناى
واحبك بنت مصرية ----- بتحْلم بالّنصيب الجاى
أحبك للبنات توكة ----- مع فيونكة فى يوم العيد
واحبك وردة مشبوكة ----- على الطرحة وإيد فى الإيد
واحبك جون لابوتريكة ----- بيخطف م الفرح مواعيد
أحبك شيشة مَحمّية ----- على جمر الحبيب والنار
واحبك ليل فى أغنية ----- يدوّبهم (دليلى احتار )
واحبك همس ِحنيّة ----- بيلمِس فى القلوب أوتار
أحبك فى الكتاب ( عمّ ) ----- واحبك ( طه ) و ( الرحمن )
واحبك فى الولاد لمّا ----- بيتسابقوا مع القرآن
واحبك ع الفطار لامّة ----- قلوب العيلة فى رمضان
أحبك زهرة نعسانة ----- وبتفتّح فى بستانى
أبوسك- وانت خجلانة تبوسينى - أبوس تانى
ما ِنعرف مين فى شكوانا ----- عليه مجنى ومين جانى
أحبك للقريب ساحة ----- تضَلّل ع الَوفا والخِل
واحبك للغريب واحة ----- وطُرّاحة وشجرة فل
واحبك للجميع راحة ----- وقلب ابيض يساع الكل
أحبك أم سهرانة ----- تِخفّف للوليد شكواه
واحبك حلم جُوّانا ---- بيتْجّدد فى كل صلاة
واحبك وانت شَقيانة ----- ولا عمرك نسيتى الله
وأحبك ع الجبين شامة ----- وشال أخضر على كتافى
واحبك رافضة لوّامة ----- ومِن أَمْسِك بتتعافى
واحبك رافعة ِميت هامة ----- لا تتْهزّى ولا تخافى
أحبك وانت فوق الراس ----- وفوق رايتك مفيش راية
واحبك فى السما نبْراس ----- وشمسك للشموس غاية
واحبك فى عيون الناس ----- وفى عيونى كمان آية
أحبك سِكة فى رجوعى ----- بتطوى الغربة و الأحزان
واحبك قوة فى دموعى ----- تحوّل دمعتى بركان
واحبك ثورة فى ضلوعى ----- تحرّضنى أكون إنسان
أحبك أدّ ما ليكى ----- من الحب اللى عاصرك عصر
واحبك حب ما ليكى ----- من العصر البعيد للعصر
واحبك حب مالْ ليكى ----- ولا غيرك حبيبتى يا مصـــــــــــر
--------------
أعجبتنى فنقلتها
----- أحبـــّـــــــــــــــــــــــك -----
أحبك وقت عصرية ----- بيستعجل ميعاد الشاى
واحبك آه مراكبية ----- معـديّة فى صوت الناى
واحبك بنت مصرية ----- بتحْلم بالّنصيب الجاى
أحبك للبنات توكة ----- مع فيونكة فى يوم العيد
واحبك وردة مشبوكة ----- على الطرحة وإيد فى الإيد
واحبك جون لابوتريكة ----- بيخطف م الفرح مواعيد
أحبك شيشة مَحمّية ----- على جمر الحبيب والنار
واحبك ليل فى أغنية ----- يدوّبهم (دليلى احتار )
واحبك همس ِحنيّة ----- بيلمِس فى القلوب أوتار
أحبك فى الكتاب ( عمّ ) ----- واحبك ( طه ) و ( الرحمن )
واحبك فى الولاد لمّا ----- بيتسابقوا مع القرآن
واحبك ع الفطار لامّة ----- قلوب العيلة فى رمضان
أحبك زهرة نعسانة ----- وبتفتّح فى بستانى
أبوسك- وانت خجلانة تبوسينى - أبوس تانى
ما ِنعرف مين فى شكوانا ----- عليه مجنى ومين جانى
أحبك للقريب ساحة ----- تضَلّل ع الَوفا والخِل
واحبك للغريب واحة ----- وطُرّاحة وشجرة فل
واحبك للجميع راحة ----- وقلب ابيض يساع الكل
أحبك أم سهرانة ----- تِخفّف للوليد شكواه
واحبك حلم جُوّانا ---- بيتْجّدد فى كل صلاة
واحبك وانت شَقيانة ----- ولا عمرك نسيتى الله
وأحبك ع الجبين شامة ----- وشال أخضر على كتافى
واحبك رافضة لوّامة ----- ومِن أَمْسِك بتتعافى
واحبك رافعة ِميت هامة ----- لا تتْهزّى ولا تخافى
أحبك وانت فوق الراس ----- وفوق رايتك مفيش راية
واحبك فى السما نبْراس ----- وشمسك للشموس غاية
واحبك فى عيون الناس ----- وفى عيونى كمان آية
أحبك سِكة فى رجوعى ----- بتطوى الغربة و الأحزان
واحبك قوة فى دموعى ----- تحوّل دمعتى بركان
واحبك ثورة فى ضلوعى ----- تحرّضنى أكون إنسان
أحبك أدّ ما ليكى ----- من الحب اللى عاصرك عصر
واحبك حب ما ليكى ----- من العصر البعيد للعصر
واحبك حب مالْ ليكى ----- ولا غيرك حبيبتى يا مصـــــــــــر
--------------
أعجبتنى فنقلتها
