الرئيسية
حاسوباتى ولكن..قالو عنى
بتاع محاسبة وقالو فنى
عصبونى و حرقوا دمى
حسسونى بجد انى
دماغى فاضية وهاربة منى
وقالو قشطة يا عم غنى
فاكرنها ادارة و حبة ورد
موس فارة و لوحة بورد
تعمله هندى تعمله قرد
مخه عايز غسيل و جرد
حاسوباتى ولكن..نقابة مفيش
وقالو بس ازاى مليش
قال يعنى هتأكلنا عيش
ولا هترمى علينا بقشيش
حاسوباتى ولكن..شايفنى كسول
نازل محاضرة مفيش كشكول
ولا ملزمة ولا شيت محلول
حاولت افهمهم واقول
ان النهاردة عملى و معمول
قالولى طب سيبك من دول
ع النت ليه قاعد على طول؟
حاسوباتى ولكن..عندى مشاريع
سألت طب ايه المواضيع؟
عرفت انى لوحدى هضيع
عملت ليا جروب فظيع
2 عليا 3 مقاطيع
بدأنا أركى فى لحظة طيش
فكرت انى معاها هعيش
فى السطر ألف ولسة مفيش
بفتش كود والتانى ميجيش
اللوب تلف وتلف بيا
مبقتش عارف راسى من رجليا
وال ايف كمان بتصيع عليا
تعدى مرة و تهدى مية
قلنا طب نركنها شوية
فكرنا نلعب فى الـ أو إس
لقينا كلو معانا بيهس
والكود شوية شوية يخس
فرملت مخى وقلتله بس
عصبت حاجبى و شديت ياقتى
ومشيت معايا فى ايدى فلاشتى
بصلى برأ قالى يا حستى
قلتله تعرف ان دى عادتى؟
قالى أنا عارف..قلتله عدى
دلوقتى لسة فى حاجة بسيطة
نعمل لعبة حاجة عبيطة
فيفا تعدى..كوماندوز بيتا
مانا طول عمرى مبرمج ظيطة
قالولى لود موديل ليها
يمكن تاخد بونص فيها
حاولت اظبط حاجة عليها
عملت سرش ومش لاقيها
قالولى لأ دى فورمات تانى
اصلو لازم كانى ومانى
وأدينى لسة معاها بعانى
سلمت ويندو و فيها معانى
حاسوباتى ولكن..عندى مناقشة
مشروع عايز تغير عافشة
بس منفض ضارب طرشة
مانا من شهر عايشها فى ورشة
لكن هية منكافة وقفشة
قعدت كل العيون معايا
حسيت كانى فى لحظة نهاية
عايزنى أقول كل الحكاية
وافتكرت انى ورايا
عيال بتعمل ظبط زوايا
طلع الكلام منى هلالا
ولقتنى وخدانى الجلالة
معرفش كنت فى انهى حالة
سمعت اطلع بره يالا
حاسوباتى ونفسى أخلص
ارحمونى قربت أفلص
ناس تلبس ناس تقرطس
كرهت اكون ع الدفعة ضيف
هوه مفيش غير الضعيف؟؟
نفسى اعدى فى النضيف
ولا حتى أكون خفيف
حاسوباتى و لكن..حفظانى الأماكن
فى الجنينة و ع السلالم
عم فتحى مالمعالم
فى المدرج كله ساكن
ايجار قديم و جديد و راكن
حاسوباتى عتيق ولكن
https://www.facebook.com/note.php?note_id=113339875882&ref=nf
