دعوه لحضور حفلة مستشفى اورام الاطفال بالمنصورة

بسم الله الرحمن الرحيم

قال صلى الله عليه وسلم
( اذا عاد الرجل اخاه المسلم مشى فى خرافة الجنة حتى يجلس فاذا جلس غمرتة الرحمة
فان كان غدوة صلى عليه سبعون الف ملك حتى يمسى وان كان عشيا صلى عليه سبعون الف ملك حتى يصبح )
صدق رسول الله صلى الله عليه وسلم
هذا هو فضل زيارة المريض
ويقول صلى الله عليه وسلم ( حق المسلم على المسلم خمس وذكر منها عيادة المريض )

فما بالكم يا جماعة انك جاى تزور طفل صغير ربنا ابتلاه بالمرض ده
طفل فقد كل معانى الطفولة الجميلة ال اطفال كتير غيرة عيشنها فى سنه
طفل حياتة كلها بقت محصورة بين جلسة الكيماوى او جلسة الاشعاع او محبوس فى سرير فى المستشفى عشان معتش قادر يتحرك من المرض
هل
نستخسر فى الطفل ده اننا نقدمله ولو حاجة بسيطة اوى ولو اننا ندخل على
قلبه الفرحة والسرور نحسسه بوجودنا جنبه ونمدله ايدنا بالمساعده
فى
اطفال يا جماعه فى المستشفى بتموت عشان مش لقية تمن العلاج ال المفروض
تاخده وناس تانيه كل همها فى الحياه انها تشترى موبايل احدث موديل وتلبس
لبس اخر موضه .... الخ
ده يرضى مين ده يا جماعه بالله عليكو

انا عيزة الناس بس تفكر شوية وتعمل وقفه مع نفسها ونحاول نبطل انانية شوية ونفكر فى غيرنا
شوف
انت احساسك هيباه ايه لما تحس انك ساعدت طفل زى ده انه ياخد العلاج او
مثلا كان محتاج لكيس دم وانت وفرتله الدم ده او ابسط شىء قعدت تلعب معاه
وتضحك معاه شوية
وهفكركوا اخيرا يا جماعه ان ده حق اخوك المسلم عليك يعنى يوم القيامة هنتسال عن الحق ده وايه ال ايحنا عملناه عشانه


واخيرا يا جماعه انا بدعوكم جميعا لثواب عظيم باذن الله بعد اخلاص النية طبعا

بدعوكم باسم اسرة 90 درجة لحضور الحفل الذى تنظمة الاسرة بمستشفى اورام الاطفال بالمنصورة يوم الخميس القادم الموافق 18 /6/2009
سيبدا الحفل الساعه 12 ظهرا بالدور العاشر بمستشفى اورام الاطفال بشارع جيهان بالمنصورة
كما تدعوكم للمشاركة فى حملة التبرعات التى تقوم بها الاسرة لحساب المستشفى

ولكم منا جزيل الشكر والاحترام