اين اعضاء المنتدى ؟؟؟؟؟؟

السلام عليكم ورحمة الله وبركاته

الموضوع ده انا ملحظاه من زمان و كان نفسى اكتبه من زمان بس مكنش فى وقت ومناسبه

فيييييييييييين اعضـــــــــــــــــــــاء المنتدى ؟؟؟؟؟؟

انا اول ما دخلت المنتدى مكنش كده خااالص كان فى مواضيع كتير وردرود واراء كتير لناس محترمه وكان ليها دور كبير فى المنتدى

دلوقتى المنتدى بقى فى ناس قليلين والمنتدى واقف زى ما هو الاعضاء بيكتروا بس المنتدى زى ما هو ومفيش جديد

حرام يا جماعه لسه كام يوم ويبقى عنده سنتين يرضيكم يعنى يبقى عنده شلل اطفال

فين

رودى وكتكوته وهبه ورزان وميمى ووسام و بوسى كات ونور القلب ودعاء الكروان و و و....... الناس اللى اسسوا المنتدى

فين بشمهندس عبد الحميد وبشمهندس احمد سمير و..... وباقى البشمهندسين فين مواضيعكم وردودكم

فين الناس دى انا لما دخلت المنتدى مكنش كده خااااالص كان فيه روح طيبه

مع احترامى للاعضاء اللى موجودين دلوقتى بس هما لو كانوا دخلوا من زمان وشافوا المنتدى ساعتها كانوا عرفوا ان فيه فرق شاسع

يا جماعه مفيش غير سنه دلوقتى وكل واحد هيبدأ حياه جديده

واكيد هنبعد عن المنتدى وهتبقى مجرد زكرى وان كنت اتمنى ن ده ميحصلش

بس نخلى السنه دى مختلفه عن السنتين اللى فاتوا وفيها حاجات كتير هادفه وكويسه علشان نفتكر بعض بالحاجات الطيبه

كلامى صح ولا لاء ؟؟

ياريت الاعضاء دول يدخلوا تانى والمنتدى يرجع لنشاطه وانا عارفه انهم بيدخلوا مختفين وهيشوفوا الموضوع ده

ياريت تردوا عليه

سلام عليكم

موضوع جميل وده انا لاحظته
بس ايه مقترحاتك اننا نزود النشاطات؟؟؟؟

اكيد مش الناس اللى غايبة لو حطو مواضيع هاتبقى هى دى الروح
لا
يعنى احنا ممن اول ما عملنا المنتدى ده وكان فى دماغنا نتجمع فى مكان يساعدنا دراسياا وتقنياااااااااااااا
والحمد لله دراسيياااا احنا عملنا نقلة لنفسنا وبقو بيقلدونا فى المنتددى الرسمى والحمد لله بفضل ربنا ثم اعضائنا الحمد لله حققنا الهدف ده

تقنياا عملنا كورسات اون لاين وعملنا بروجكتس وكانت قليلة وكورسات و و و

انا مش بهاجمك خالص
انا بس حاسس كدا من زمان وفى ناس بدات تطلب الغاء عضويتها .... مش عارف ليه؟؟؟

ازاى نرجع زى ما كنا عايز مقترحات

بقترح
نعمل
Study Groups
وفى اخر كل حاجة نزاكرها نعملها مشروع مشترك يليق بطلبة لسالها سنة ووتتكحرت فى سوق العمل
+
ان مثلااا
جروب البرمجة .. يكلم جروب الجرافكس
ونفكر فى بروجكت كبير ونعمله

فاكرين الالة الحاسبة .... ايام الزمن الجميل
كنا طبقنا الموضوع ده
بس احنا عايزين حماس اكتر والناس اللى هاتبقى الليدر تبقى على اد المسؤلية
اه وحاجة مهمة جداااااااااا
ال
Study Group
لازم وحتما تبقى فى حاجة جديدة
غير كورسات السنة اللى فاتت عشان اللى كان معانا ميملش ومنلحقش ناخد جديد
يعنى الديفولبر نزاكر حاجة جديدة
الجرافكس نزاكر حاجة جديدة غير الفوتوشوب ... فى حاجات كتير لسه
الينكس تقريباا مكملوش الهوم يوزر
الشبكات يكملو لانهم بلطبع مخدوش كل الكورس


بجد مفيش حاجة هاتشدنا هنا غير الشغل....... ومشاريع

اللى عندو اى اقتراح يقولو يا جماعة

النشاط اللى كان موجود فى المنتدى من أول ما فتح
كان مرحله لابد منها والكل عاشها

بعد سنتين من انشاء المنتدى
أكيد الدنيا اتغيرت وبدأنا نعيش جو العمل أكتر
والكل أو الاغلب بدأ يتجه للحياه التيكنيكال اللى مش لاقينها فى المنتدى

أنا عنى نفسى
المنتدى كان مرحله وعدت بالنسبه لى
بصراحه معتش بستفاد بحاجه فى المنتدى غير
المواضيع الترفيهيه

مليت من المنتدى
نفس الاشخاص بنفس التفكير

عاوز اتعامل مع ناس جديده
ناس فكرها عالى أو مختلف عالاقل


منتدى نور الهدى هو اللى انشأنى ونا بعترف انه له الفضل عليه
شكرا منتدى نور الهدى

لكن معتقدش انه هيفدنى بأى حاجه تانيه

تمام كلامكم مظبوط ان فتره الكورسات كانت اجمل الفترات على المنتدى

وكويس ان بشمهندس ميتو اقترح نفكر ازاى نعيد نشاط المنتدى تانى واقتراحه جميل جدا

ياريت نفكر كلنا فى طرق كمان

وانا شايفه روح يأس من ردودكم ومفيش حتى امل اننا نتغير وناس عاوزه تمشى وناس مش مستفاده

طيب يا جماعه لو كل واحد غير من نفسه وبدأ يطور من المنتدى بجانب النشاطات الجماعيه هيبقى فى تطور كبير وسريع

بس بلاش الروح دى الله يكرمكم والله كده هسيب المنتدى انا كمان

ده حتى ايام زمان كانت ايام الامتحانات فى الاسئله والاستفسارات كانت بتعدى الخمسين صفحه وكنا بنتخانق من اجابته صح

دلوقتى انا كنت بعيط ان حد يدخل يرد على سؤال !!

اكيد مش فشل مننا هو مفيش تعاون خاااالص

فكروا فى كلامى وفكروا ازاى نرجع نشاط المنتدى تانى وانا كمان هفكر وارد تانى

سلام عليكم

فعلا هو كلامك صح يا سلمى
وأنا مع أقتراح بشمهندس ميتو
مشروع كبير بيقي فيه كل التخصصات
بحيث إن كل الناس تقدر تدخل فيه وتشتغل
ويبقي مشروع الفرقه بتاعتنا بأختلاف الأقسام والتخصصات
وكمان أقتراح بسمة حلو بخصوص الناس الي شغال فلاش
هيعملوا مشروع والناس الي مشتغلتوش تشتغله
وأعتقد إن الناس بس محتاجه فكرة كويسة
والحماس هيبقي موجود إن شاء الله

سلام

ممكن اتكلم بصراحة شوية بدون زعل معلش
حضراتكم مشرفين
حد عارف ايه وظيفة الدور ده؟؟
من كلامكم ولا واحد يعرف يعنى ايه مشرف

المشرفين دول اللى هما تحت الادمن
يعنى يعتبرو وزرااء
يعنى بيحبو المنتدى وبيحاول يساعدوه فى رقيه -حلوه رقيه دى- يعنى دور حضراتكم مش مقتصر ان الموضوع ده مخالف امسحه ولو كويس اثبته

المشرفين دورهم انهم يحافظو على المنتدى يكبرو المنتدى مش يكبرو قسمهم

محدش بيقول القسم ده كويس اوى لا بيقولو المنتدى
اذا كان انتو يا مشرفين اخركو تمسحو او تثبتو او تسيبه الموضوع يبقى بااااااااااااااااااااااااااااااااااااااااااااااظت وبصراحة اكتر كدا انتم اخليتو بمهمتكم
اهنيكم والله

انت مشرف قسم مهامك تحافظ عليه تطوره وبلتالى تطور من المنتدى مش ابص من بعيد

شايف انك خلاص كرهت المنتدى سيب مكانك لحد بيخاف على المنتدى وبيفتحه اول ما بيفتح الجهاز يشرف عليه على الاقل لما يلاقى قسمه نايم مش هايغطيه لا هايضيف توبك تصحيه

لما حضرتكم تمسكو منتديات حياوية ومتنفذوش مهامك صح يبقى اخليتو بمهمتكم
لما حضراتكم تسيبو المنتدى يبقى اخليتو بمهمتكم
لما حضراتكم تقررو تقفو عن المشاركة وحضرتك بتقولى اخر رد

يبقى بصراحة كدا استقالتك تتحط جمب ردك
لانك هاتسيبى المنتدى
الادمن لما اختاروكو اختاروكو لانكم كنتو بتحبو المنتدى وبتقدمو مواضيع جديرة بلاحترام
لكن مادام انتم معدتوش بتعملو كدااااااا ... يبقى ده معدش مكانكم وادو فرصة لناس تشيل الراية


سورى على الصراحة المبالغة فيها
بس عذركم اقبح من ذنب



سلام