الرئيسية
اكيد هتستغربوا الموضوع ده شويه هو مالوش علاقه ابدااااا بمجال تكنولوجيا الحاسب الالي
ولكنوا مجال متقدم جدااا سوف يغير معالم الدنيا في خلال 3 او 5 سنوات جاايه ان شاء الله كنت شفت حلقة من برنامج بيتكلم عن الخلايا الجذعيه او زي مابييقولوا الدكاتره stem cells
والي انا فهمته من كلامهم هقولوا بقى ورزقي على الله يلا هوبااااااا
اولا : ماهي الخلايا الجذعية ؟؟
هي عباره عن نوع من الخلايا بتقدر انها تجدد نفسها توماتيكي وتقدر انها تتشكل لاي نوع من
الخلايا في جسم الانسان زي خلايا الجلد والعضلات والمخ والكبد والقلب والكلى والمراره يعني اي خليه تتوقعها ف جسم الانسان الخلايا الجذعيه دي تتقدر انها تتشكل وتاخد نفس خصائصهاوتشتغل كأن القديمه موجوده بالظبط
ثانيا : كيف يمكن الحصول على الخلايا الجذعية ؟
قالوا انها متوفره في خلايا الحبل السري عند ولاده الاطفال وهي دي عباره عن الخلايا الجذعية
وبرضه في خلايا انسجه البالغين كخلايا العظم
ثالثا : طب ايه هي فوائدها ؟؟
زي ماقلنا قبل كده انه من خلال الحصول على الخلايا دي والاحتفظ بها فيما يعرف ف الخارج ببنوك دم الخلايا الجذعية وفي حالات خاصه لكي تتجمد ويمكن استعمالها فيما بعد انها تقدر تتشكل[لاي نوع خلايا ف الجسم وبالتالي تقدر تتشكل للعضو نفسه يعني ولنفرض ان واحد لاقدر اللهكبده معدش شغاااال- معدش شغال يعني خلاص معدش بيقم بوضايفه يعني الواحد ممكن يروح فيها-تقدر الخلايا الجذعيه دي من خلال حقن الانسان بها وانها تجري ف مجرى الدم وهي من نفسها توماتيكيتعرف فين الخلل ف جسم الانسان وتروح للمكان ده وتتعايش هناك وبمرور الوقت تتشكل وتبقى كب- سبحان الله -
رابعا : مراكز بنوك الخلايا الجذعية في العالم :
طبعااا بتتصدر الولايات المتحده قمه الدول ف هذا المجال بوجود حوالي 70 بنك للخلايا الجذعيهثم انجلترا بحوالي 11 مركز و تليها اليابان بحوالي 7 مراكز
خامسا : مصر فين من الكلام ده ؟؟؟؟؟؟؟؟؟؟؟؟
مصر بتحااااااااااااااول - ويااااااااااااامسهل - انها تواكب هذا المجال من خلال الندوات الدوليه وغيرها الي بتقوم بيها الدول المتخصصه ف هذا المجال وف خلال من 3 ل 5 سنوات سوف
تحدث هذه الطفره ولاسيما ستنتشر ف دول العالم التالت ..ارجو ان الموضوع يكون عجبكوا وماكنش طولت عليكوا بس فعلا دي بشرى و امل جديد لكل من كان يعاني من الالام وامراض كان يقال عنها انها مزمنه ولكن مع الخلايا الجذعيه مش هتقدر تغمض عنيييك
عدل سابقا من قبل AhmeD SamiR في الجمعة 29 فبراير 2008 - 18:12 عدل 3 مرات
