قولت أقول كل الحكاية
حكاية البحث الطويل .. عن معاني
مش معايا
ولأجل ما اوصل للنهاية .. قولت
أدور عـ البداية
وأهم معني للحكاية ..هو أنا
يبقي أنا هي البداية
***
يللا شوفوا يا صبايا
هحكي صورة في المرايا
صورة الأنا .. اللي مرسومة
معايا
صورة فيها عيون بريئه
شايلة بما فيه الكفاية
وابتسامة متدارية
خايفة تتبهدل معايا
صورة جواها الحنان
ركن صامد من زمان
بس بتقولي كمان .. لو تحس في
يوم شقايا
صورة ساكته مش بتضحك ...
أو بتبكي .. أو بتصرخ .. إلا من
جوا الثنايا
صورة بتقولي يا ريت
أرمي قلبي ده ورايا
والسمار اللي كاسيها .. رمز علي
أصل الحكاية
وهي دي صورة الأنا .. اللي
واقفة في المرايا
***
وقبل ما أختم الحكاية .. لازم
أوصل للنهاية
والنهاية .. هي أنا .. اللي
واقفة في المرايا
والسؤال اللي في بالي :
هل أنا .. هي صورتي في المرايا
؟
ولا أنا .. حد تاني مش معايا ؟
ولاجل ما اعرف الجواب
....:
قولت يللا بينا نرجع مـ النهاية
للبداية
لاجل ما اعرف الحقيقة .. اللي
حتما مش معايا
البداية هي أنا ... والنهاية ..
مش أنا
تبقي فين هي الحكاية ؟!
****
أتاريني مش بوصف أنا
أو حتي صورة من قفايا
د اللي بوصف فيه أنا
صورة رسماها المرايا
ومش بشكلي أو برسمي أبقي أنا
أو بعين للناس تشوفني أبقي أنا
أما أنا ... جوايا أنا..
مش بصورتي في المرايا
.............
م ن ق و ل