المحاضره الاولى - السبت - 14/2/2009

السلام عليكم ورحمه الله وبركاته

اليوم - السبت - 14/2/2009
كان اول محاضره فى ماده اختيارى كليه لـ دكتر / حسام صلاح مصطفى

البدايه

ميعاد المحاضره كما هو موجود فى الجدول
موعدها من الساعه 11صباحا وتنتهى الساعه 1
لكن
دكتر حسام وصل الكليه الساعه
11:30
تقريبا

الاقبال من الطلبه كان جيد الى حد ما
مدرجات الدرجه الاولى والتانيه والتالته والرابعه كانت مليانه
فى حين ان باقى المدرجات من رقم 5 الى رقم 12 كانت فاضيه

وكانت مفاجأه النهرده لما دكتر ابو السعود دخل المحاضره وقابل دكتر حسام بالترحاب
موضحا ذلك بان دكتر حسام كان طالب عنده فى كليه هندسه
بمعنى تانى
دكتر ابو السعود كان بيشرف على مشروع التخرج بتاع دكتر حسام

طبعا دكتر ابو السعود اشاد بـ دفعه IT وقال لـ دكتر حسام ان الطلبه كويسين وهتحبهم
دكتر حسام ابتدى المحاضره بـ التعريف بنفسه
وانه خريج كليه الهندسه جامعه المنصوره قسم اتصالات
وانه سافر بره مصر ورجع تانى يدرس فى الجامعه
وانه اول مره يدرس بره كليه هندسه معللا ذلك بالمقوله الشهيره
"من طلع من داره اتقل مقداره"

وقال ان دكتور فاطمه الزهراء "عميده الكليه " والتى كانت تشرف عليه فى مرحله الماجيستير
كانت طلبت منه انه ييجى يدرس لـ قسم IT ماده الـ DataBase
فى الترم الاول ولكنه رفض

الزمن يعيد نفسه عندما قررت الدكتور فاطمه الطلب مره اخره من دكتر حسام
انه ييجى يدرس ماده اختيارى كليه لـ قسم IT
وفى هذه المره وافق معللا ذلك بانه لا يستطيع ان يرفض نفس الطلب من دكتوره فاطمه
مرتين فى السنه


المحاضره
دكتر حسام قال انه كان اودامه 13 ماده يختار منها ماده واحده
لتكون هي اختيارى كليه

واختار ماده
Computer Vision
وهناك اسباب كثيره لهذا الاختيار
اهمها
انه يجيد هذه الماده
والسبب الاخر الذى لا يقل اهميه عن السبب الاول
ان هذه الماده ستكون مكمله لـ ماده
Image Processing
التى سوف تدرسها الدكتوره فاطمه

مضمون المحاضره كان ممتع
وكان عباره عن 15 سلايدز خفيفه بتوضح التطبيقات الموجوده فى الماده
وبعدها
فتح ملف Word
واخد منه تعريف الـ
Computer Vision


من واقع المحاضره يتضح الاتى :
دكتر حسام شخصيه مرحه , متواضع , يقدر مصلحه الطالب فوق كل شىء

وقال ان ممكن ييجى فى يوم المحاضره ويكون مزاجه حلو
فيقوم يعطى كل الناس اللى موجودين
درجات بونس
وهنا علت الابتسامه على وجوه الحاضرين بسبب هذا الكرم

ولكن سرعان ما تلاشت هذه الابتسامه وحل مكانها الوجوم الشديد
عندما اوضح دكتر حسام انه بيكون مزاجه حلو فقط
فى حاله فوز الزمالك !!!

بالنسبه لـ الكتاب
دكتر حسام وضح ان الماده ملهاش كتاب
موضحا بان طلبه حاسبات يجب ان يكونوا
up to date
مع اخر التكنولوجيا الموجوده

وقال ان السلايدز هتكون معاكم من المحاضره الجايه باذن الله
وهيكون موجود كمان
Time Table
موضح به مواعيد المحاضره والقدر اللى مفروض يتاخد كل محاضره
بالاضافه لـ ميعاد الميد ترم


بالنسبه لـ توزيع الدرجات
الامتحان النظرى من 60 درجه
والـ 40 درجه الباقيين سوف يتم توزيعهم على

امتحان الميد ترم
الـ تاسكات اللى هتطلب
السيكشن وأكد على ضروره حضور السيكشن وطاعه المعيد
وبان السيكشن سيكون مكمل للمحاضره


بالنسبه للتاسكات
فهى هتكون عباره عن برامج هتطلب بلغه برمجه معينه
ويفضل لو تكون الـ
Matlab
لان التولزالمطلوبه موجوده جاهزه به
والـ Functions
موجوده Built in فى البرنامج

النهايه

دكتر حسام اعرب عن سعادته بوجوده فى حاسبات
وقال انه موجود فى الكليه بتاعتنا يوم السبت فقط
وموجود فى كليه الهندسه باقى ايام الاسبوع ماعدا يوم الاحد

وكتب الميل الخاص به لمن عنده اى استفسار مهما كانت تفاهه هذا الاستفسار
الميل الخاص به
hossam_moustafa@hotmail.com


شكرا لـ حسن استماعكم
بالتوفيق للجميع باذن الله ......