الرئيسية
السلام عليكم ورحمه الله وبركاته
العنوان واضح
انا والفيس بوك
بسم الله ما شاء الله
اليومين دول الفيس بوك بقه هو موضوع العصر
افتح التليفزيون فيس بوك
نت فيس بوك
الجامعه فيس بوك
موبايل برده فيس بوك
ناقص وانا بحلم برده فيس بوك
طيب ليه كل ده اشمعنه يعنى بيعمل ايه الفيس بوك ده فايدته ايه عشان الناس دى كلها تتكلم عنه
ومتعلقه بيه كده
لدرجه الجنون
طبعا انا مش عبيطه لازم افهم ليه كل الموضوع ده عليه
بس للاسف طلعة هبله
لانى اخدت مفهوم عن الفيس بوك خلانى اكره انى اصلا افكر اشترك فيه فى يوما ما
وفضلت اكره فيه يوم ورا يوم
ومقتنعه انى عمرى ما هشترك عليه
لان لغايه دلوقتى مش شوفت فيه حسنه واحده
لغايه النهارده كنت بتفرج على برنامج
ويعتبر كله كان عن الفيس بوك
الصاعقه الكبرى
ايه العالم التانى ده
ده مش طلع كله وحش زى ما انا كنت معتقده
ده طلع حاجه حلوه اوى
وكمان انا اللى احدد لنفسى عاوزه ايه
طلع فى افكار قريبه منى اوى
وكل انسان يلاقى تفكيره فيه
مش سايب حد خالص
فاستغربت اوى من نفسى وبدات من دلوقتى حالا اعيد تفكيرى تانى عن
الحاجه اللى اسمها فيس بوك دى
بس فى حبه اسئله
ياتره كل واحد فاهم الفيس بوك ازى؟
ياتره كل الناس مشتركه على الفيس بوك؟
ولو اه ياتره بتستفاد ايه ولا مجالك اللى انت بتعمله على الفيس بوك ماشى فى انهى طريق؟
بدون كسوف لان لو ماشى غلط فى ناس كتير زيك زى اللى عرفت منهم كده؟
ولو مش مشترك هل تعرف الفيس بوك ولو تعرفه تعرف عنه ايه وليه مش اشتركت فيه؟
من الاخر كل واحد يدخل يقول
حكايته مع الفيس بوك
هو و الفيس بوك
واكيد انا واللى زى مش ليهم اكونت عليه هيستفاده من تجربتك اوى
فمحدش يبخل
والا من دلوقتى هيتقال عليه بخيل وربنا هيحاسبه ههههههههه
ولما اشوف اخرتى مع الاستاذ فيس بوك ده
ياتره هفضل على موقفى وعدم عمل اكونت
ام هقتنع واشترك
يارب مش اكون طولت عليكم
بس فعلا الفيس بوك بقه
عنصر مهم فى مجتمعنا لازم نفهمه اوى
سلام
