فكرة !! من موضوع أول مرة ..... ^_^

بسم الله الرحمن الرحيم

السلام عليكم ورحمة الله وبركاته


بعد ما قرات موضوع اللي هو بعنوان .... (( أول مرة ........ !! ))

https://noor-fci.yoo7.com/montada-f27/topic-t5062.htm

لقيت ان الموضوع فعلا مهم .. مهم ان الواحد يعمل حاجة الناس تنتفع بيها

مهم اوي ان الواحد يساعد الناس ..

والرسول عليه الصلاة والسلام .. قال

اذا مات ابن ادم انقطع عمله الا من ثلاث

" علم ينتفع به "

ومش شرط يكون انت اللي هتعطي العلم .. ممكن فقط تنقله

لذلك انا فعلا الموضوع دخل دماغي ... وكنت لسه حالا بدأت انفذ في فكرة كانت في دماغي من زمان

لكن قولت ايه الفايدة بردو ان انا اعملها لوحدي

اه الناس هتعرف ان كذا عمل مش عارف ايه ... وااااو وخلاص انتهي الموضوع

لذلك فكرت ان هعمل جروب مش هيبقي كبير ............................ لكن هيبقي معقول شوية

عشان هنفذ الفكرة دي

وهي

هنعمل موسوعه تعليمية هنحط فيها مصادر تعليمية كتيرة
بشكل منظم ومرتب
متصنفه حسب المجالات
هيتعمل فيها شغل جرافيكس كويس
هنحاول ننقي المصادر بدقه ..
هتحتوي علي مجالات كتيرة متنوعه
مش بس كتب ... هيبقي فيه فيديوهات ... وهيبقي في جزء نسميه

"محتار .. عاوز تعرف الطريق منين ؟"
دا هنعمل فيه الاتي

هنخلي كل اللي عاوز يعمل موضوع بدايته مع المجال دا ... وعن تجربته وعن الصعوبات اللي قابلته

وبعدين نختار حوالي 10 موضوعات كويسة اكوس حاجة فيهم يعني

وبعدين نحطهم في الجزء دا

ويكون اخر موضوع مثلا عن كيفية اختيار القسم او المجال المناسب

################

ونعمل جزء خاص يتحط فيه كمية معلومات كويسة .......... معلومات مهم ان اي واحد في المجال يكون عارفها

وفي نفس الجزء دا نختار موضوعات مهمه من اي مكان ونحطها بردو

وبعد كل دا هنرفع الاسطوانة كلها عالنت .........................................


وهنعملها دعاية في المنتديات

الناس كلها تنزلها ويبقي اخدنا ثواب كبييييييييييييير اوي

والاهم ان دي هتتوزع في الكلية """"""""""""""""" مجااااااااااااااااااانااااااااااااااااا """""""""""""""

فقط سعر الاسطوانات هو اللي هناخده

#################################

هنحتاج ايه ؟؟؟؟؟؟؟؟؟؟؟؟؟؟؟؟؟؟

اولا احنا مش هنختار ناس معينه

مثلا احنا هنقول في مسابقة اتفتحت عاوزين تصميمات للصفحة الرئيسية

الناس هتبددأ تشتغل في التصميم

هناخد احلي حاجة

وبعدين هنقول عالزراير .............. بردو ونعمل تصويتات

ومش هنطلع الاسطوانة الا باقرار الجميع بالموافقه

################################

بالنسبة للمصادر

هسيب الموضوع دا للناس تشوف هي عاوزه مجالات ايه اللي تتحط في الاسطوانة

وبعدين كل واحد يقول علي المصدر اللي هو شايفه كويس

وفي النهاية .............. دي هترجع لمجموعه معينه هي اللي هتقرر بالنسبة للمصادر

اييييييييييييييي حد عاوز يحط اييييييييييييي حاجة يقول عليها

ومتقلقوش هتلاقوها عندي

انا مسيبتش حاجة عالنت الا منزلتها

المهم


دلوقتي

1 - عاوزين ناس بتشتغل فوتوشوب كويس او اي برامج تصميم 2D تانية

لو احتاجنا تصميم ثري دي فيه انيميشن او حتي حاجة استاتيك ... هكلم واحد اعرف كويس في الثري دي وهو مش هيتاخر ان شاء الله

زي ما قولت عاوزين الموسوعه تطلع باحسن شكل ممكن

2 - عاوزين ناس بتشتغل فلاش و سويتش
ممكن نحتاج لوجوهات متحركة او اي حاجة فيها انيميشن دي هترجع لرأي الأعضاء والناس عاوزه الشكل ازاي


وبس متقلقوش من الباقي ..........

لو الموضوع اخد موافقه والناس عجبتها الفكرة

هكون سعيد جدا .............................................. لاني هستفاد من الموضوع دا اوييييييييييي

نفسي اشتغل مع حد ....... وهتفيدنا كلنا جميعا ان شاء الله

وتخيلوا بقي السعاده اللي هيكون فيها بتاع اولي ولا تانية ....... لما يلاقي كل حاجة مش لاقيلها اجابة
وكل الحاجات اللي ممكن تساعده

ادخال السرور علي قلب مسلم دي ثوابها كبييييييييييييير اوي

انا عارف ان في ناس مشغوله

عشان كدا انا سيبت الموضوع مفتوح لاي حد ...

وساعة ما نبدأ ....... هنقول عاوزين تصميمات كذا وهنشوف بقي كل واحد يسابق التاني



يااااااااااااااااارب تكون الفكرة عجباكم ^_^

لو بس اشتغلنا بالنية دي ........................................ يبقي فعلا احنا مش عايشين عالفاضي

منتظر اهو

السلام عليكم ورحمة الله وبركاته