نقاش ( الثقة بالنفس )

السلام عليكم ورحمة الله وبركاته
الموضوع ده شاغل دماغي من زمان أوي بس زاد أوي من فترة كده

هدخل في الموضوع على طول
الكلام قدام الناس
ان الواحد يقف يتكلم قدام الناس
سواء يقى يشرح حاجة او يسأل سؤال أو يجاوب على سؤال
سواء وهو في مكانه أو يكون واقف مكان المحاضر
أيا كان الموضوع اللي هيتكلم فيه وأيا كان الناس الحاضرين اللي هيسمعوا كلامه
أيا كان مين هيناقشه وهيسأله في اللي قاله

في ناس مش بتفرق معاها وممكن يتكلم قدام أي حد
حتى لو مش واثق أوي في المعلومة اللي هيقولها لكن عنده استعداد يقولها ويناقش فيها حتى لو واثق ان كل اللي قاعدين أعلم منه وأكبر منه

وفي ناس العكس بتخاف أوي من الموضوع ده أو بتتكسف أو مش واثقة في نفسها
بصراحة مش عارفة ايه التفسير الصح
بس مش بيتكلموا
مش عارفة هل ده لعدم التاكد من المعلومة ولا لمكانة اللي هيتكمك قدامهم ولا هو مش بيعرف يتكلم
؟؟؟؟؟

لو مثلا في نقاش في أي موضوع في ناس مجرد ما يجي في بالها سؤال أو تعليق بتقوله على طول وفي ناس تبقى هتموت وتسأل سؤال بس مش بتسأله
يا إما خايف يكون السؤال هايف فيبقى شكله وحش فدام الموجودين يا إما خايف يتسال سؤال تاني مترتب على سؤاله ميعرفش يجاوبه فبرضه يبقى شكله وحش قدام الموجودين يا اما هو اصلا رافض للكلام قدام الناس

اللي نفسي بقى نتناقش فيه هنا ايه أسباب كل ده وايه نتايجه وايه اللي مترتب عليه
ليه في ناس كده وناس كده
هل ده على حسب التربية اللى اترباها ولا حسب البيئة والأسرة والاصدقاء والمجتمع اللي موجود فيه ولا على حسب ايه ؟؟

طب اللي من النوع التاني ليه هو كده وازاى ميبقاش كده

اسألة كتير وكلام كتير نفسي نتكلم فيه
ياريت كل واحد وواحدة يدخل يقول وجة نظره في الموضوع ده ويتكلم براحته ع الاخر ويطول في الرد ويقول كل اللي نفسه فيه

منتظرة أرائكوا
سلام