الرئيسية
مش مشكلة
مش مشكلة
اغرق اموت
مش مشكلة
تنزل عليا الصخره
تكسر مكحلة
طفلة صغير
بمريلتها تندفن
تحت الصخور
والجاني تحت المقصلة
ماسك زمام المشكلة
مش مشكلة
مش مشكلة
اغرق في بحر المسالة
والخير كتير مسروق
ولا حد يقدر يسألة
علي فين وفين
المال يروح
والسوسنة
قاعدة وحيدة
حالتها حالة محزنة
مش مشكلة
مش مشكلة
امرض اموت
ينخر مرض
جوة العظام المفشلة
من داء خبيث جايباة
سمادة مسرطنة
مش مشكلة
دم الغسيل اصبح تقيل
من سم جاني
م القريب
علشان يكون اكبر غني
من دمي يبني
من دمي
يرفع قصور
يدفع مهور
علشان يداري المهزلة
مش مشكلة
الباشا قاعد
واللسان ينطق يقول
مش مشكلة
حبة عبيد ماتوا
ولية الشوشرة
حبة كلاب اية الهباب
ماليين دماغنا
م الكلام والمسألة
مالنا ومالهم
لية يبصوا في عزنا
مالها النفوس
بقيت خبيثة ومنتنة
اية يعني كلنا لحمهم
اية يعني مص فيدمهم
حصل اية بقي؟
اية يعني ينعاد كل يوم
طول عمرنا عايشين كدة
مسئول بياكل في الفقير
هية دي يعني المعضلة
ومش مشكلة مش مشكلة
**عماد رجب**
