الرئيسية
السلام عليكم ورحمة الله وبركاته
موضوعي هتكلم فيه عن
المدونات
ندخل فى الموضوع علشان وقت حضراتكوا
ـ عارفه ان وراكوا مواضيع كثيرة ناويين لسة تقرأوها ـ
فكرت مرة تتجول فى المدونات اللى اصبحت منشرة فى النت ؟
وكل واحد عامل مدونة وحاطط قدمها الزرع وراشش قدامها كمان عشان الكل يدخل يبص فيها ايه ؟!
بقى كل واحد ليه رأيه الخاص ومكان يعبر فيه وكل حاجة تمام
مجهود رائع نشكر الجميع عليه
وخلت العالم كله عايز تقول قرية صغيرة قول
سوق قول
اوضة واحدة
برحتك فى المسميات المهم النيجة ايه
ولكن سؤالى دلوقتي
هتعرض ايه فى المدونات دى ؟!
يعنى احنا اشترينا محلات ـ اللى هى المدونات ـ يا تري هنعرض فيها ايه ؟
وهل فكرتوا ان المدونات دى هتكون ذى ارشيف لفترة تاريخية
- الي هيا حياتنا - واللي هنتحاسب في الاخر عليها ؟
يعنى انا بتخيل مثلا على سنة 3000 ـ مش بعيده اوى
اى نعم حضرتى مش هكون موجوده ـ إلا اذا شاء ربى ـ
ولكن نسال الله بقاء منتدى نور الهدي
ونلاقى الملايين داخلين عليه من كل حتة بقى
هيقرأوا الموضوع ده ان شاء الله ويستفيدوا منه واكيد هينتقدوه برده
و كل المواضيع المكتوبة فى المنتدى وبرة المنتدى
فكذلك الحال فى مدونة حضرتك
هل لو جت سنة 3000 وحد معدي كده جنبها و دخلها
هل هيستفيد ولا مش هيستفيد ؟
وهل هتكون مدونتك سبيل لهداية الناس ؟
ام سبيل لتضليل و بعد الناس عن الحق ؟
هل هتكون نهر جارى من الحسنات ليك وانت فى قبرك ؟
ولا هتكون نهر من السيئات ليك ؟
مدونتك امانة فى عنقك وهتسال عنها
مش هقولك مع المدونة الى المقبرة
لا ياريت هتقف عند المقبرة هيكون مقدور عليها
دى هتدخل معاك المقبرة
ياريت الموضوع ده يكون سبيل لتغير اصحاب المدونات
لان اظن ان مفيش عذر على عدم تبليغ كلام ربنا ودين ربنا
الا ان يتغدمنا الله برحمته ـ كل حاجة بقت متاحة ومجانا
والنت بقى فى بيوت الجميع
سبحان الله كل حاجة مجانا تلاقى الملايين واقفين عليها طوابير
وعايزين ياخدوا منها حتى لو مش هيستفيدوا منها
طيب ما الفرصة قدامكوا اهى ومن غير تعب
حضراتكوا هتكونوا في بيتكوا قاعدين فى التكييف او فى المروحة , ايا كان
كل اللى عايزينه منكوا 10 دقايق 5 دقايق
ـ على حسب وقتكوا تكتبوا حديث او آية هتفيد غيركوا وهتاخدوا ثواب
مستنيين ايه ؟؟
النت قدامكوا وممكن تعرضوا فيه اللى انتوا عايزينه
واللى هيتعرض هيشوفه العالم كله فى نفس لحظة النشر
ده نداء للكل انكوا تضعوا بصمتكوا وتخدموا دين الله
لان من غير زعل متوفرلكوا كل حاجة
ومش ناقصكوا اى حاجة
مش لازم تساهموا بحاجات كتيرة
اكتب آيه فى مدونتك كل واحد يدخلها أو يسمعها هتاخد ثوابها
اكتب حديث اكتب ذكر او دعاء
مش لازم نملي مدوناتنا بس بأمور شخصيه لازم تبقي منوعه
لازم يبقي فيها مواضيع تاخد منها ثواب
زي ما هتزود رصيدك في الدنيا بحب الناس وحب صحابك واعجابهم بمواضيعك
اكسب كمان حب ربنا وحب ملائكته في انك تتكلم في موضوع
ممكن بسببه ربنا يجعلك سبب في هدايه ملايين قرأوا موضوعك
فحاول تفيد باى حاجة
ـ لانك اللى هتسفيد باللى هتقدمه ـ
قبل الرحيل
واحب اختم موضوعي بكلمات عجبتني اوي
اذا لم تستطيع ان تنظر امامك لان مستقبلك مظلم
و اذا لم تستطيع ان تنظر خلفك لان ماضيك مؤلم
فانظر الى الاعلى تجد ربك تجاهك
ابتسم فان هناك من يحبك ..يعتني بك..يحميك..ينصرك ..
يسمعك..يراك..انه الله
ما اخذ منك الا ليعطيك
و ما ابكاك الا ليضحكك
و ما حرمك الا ليتفضل عليك
و ما ابتلاك الا لانه يحبك
منتظر تتغير
مش مهم كنت ايه
او قدمت ايه
المهم هتكون ايه
وهتقدم ايه
أتمني الموضوع يعجبكوا وياريت يكون الكل فهم كلامي ويحاول يطبقه
سلام عليكم
