لغتنا علي المنتدي إلي أين ؟

بسم الله الرحمن الرحيم ؛؛

السلام عليكم ورحمة الله وبركاته

عندي ملحوظة مهمه .. وليست شكوي أو تظلم .. بس يجب ان إحنا ناخد بيها

نلاحظ ان في ردود - بعض الردود - قد تكون مع اعضاء معينة

تجد فيها الحروف مقلوبة او مبدلة

حرف الـ " س " تجده " ث "

طبعا هذا لا يصح .. خصوصا ان احنا باشمهندسين علي وش تخرج كبرنا يعني

ياريت ناخد بالنا من النقطة دي .. وناخد في الاعتبار ان احنا مش بس جنس واحد علي المنتدي

هناك شباب وفتايات .. فحتي لو انا متعود ان اتكلم كدا مع أصحابي احط في الاعتبار ان في جنس اخر يري ويقرا الكلام دا ..

مش عاوز اقول اننا نتكلم لغة عربية .. لان دي صعبه شوية

لكن في منتديات فعلا في شروطها ان الردود والمواضيع باللغة العربية الفصحي قدر المستطاع

وما شاء الله من أحلي المنتديات العربية وقد تكون احلاهم


ياريت ناخد بالنا من الموضوع دا

تقبلوا رأيي بصدر رحب

انا معاك في الموضوع ده

بس مش حكاية اننا نتكلم بقي باللغه العربيه الفصحي

لاننا مش بنتكلم بيها في حياتنا اليوميه

بس علي قدر المستطاع لما اتكلم

اتكلم بطريقه كويسه

ايه الفايده اني اكتب مثلا ث بدل س ؟؟

حتي ولو هيا عندي في طبيعتي وبنطق الحروف كده

مش حلوة خالص اني اكتبها كمان ع المنتدي

انا شخصيا بحس انها حاجه مش حلوة يعني انها تتعمل

وبعتبرها مجرد طريقه للفت الأنظار مش اكتر

وزي كمان لما حد يقول في اخر كلامه سلام

الاقي كلمات عجيبه

سلاموز

سلامنجه

سلا مش عارفه ايه

فيها ايه لما نقول سلام عليكم وخلاص حتي ناخد ثواب

اعتقد ان الاساسيات اللي اتحط عليها المنتدي انة اسلامي
و من الاساسيات برضة ان دة بما انة منتدي اذا هو شبكة اجتماعية
وبرضة المنتدي كان اساسة كلية الحاسبات -الحمد لله في توسع- برضة كان اساسة مجموعة من الاصحاب
و اكيد ان دالواتي اغلب اللي علي المنتدي -ان لم يكن الجميع- عرفين بعض يعني يعرفو هم مين في الواقع

طيب انا عايز اوصل لـ اية بالموضوع دة
ان بالنسبة لنفطة الـ "س"والـ"ث"

اعتقد الكلام ده لو انت او انتى قاعدين مع اصحابكم هيس براحتك لكن هنا كل كلمة بتدل على شخصيتك

بس ياميتو احنا هنا في المنتدي برضة اغلبنا اصحاب و الهياس موجود هنا كمان ولا اية ولو علي ان الكلمة اللي بتتكتب هنا بتدل علي الشخصية ف برضة ابليها و اكيد الكلمة اللي بتتقال مثلا ادام اصحابك في الكلية بتدل علي الشخصية اكتر و اوقع

فا اعتقد اننا نحترم بعض اكتر من كدا حتى لو موجها لاصحابك احترمى او احترم اصحابكم

اعتقد انها مفهاش حاجة من حيث الاحترام

احنا فعلاا على وش تخرج لو
انت او انتى تقدرى تقولى كدا فى انتر فيو ابقى قولها او قليها هنا ...
اعتقد محدش هايقدر لاحترام اللى واقف ادامك و حرصك على الشغل يبقى نحرص
هنا زى هناك

انا هنا في المنتدي مش في انتر فيو يا ميتو ما انت ان شاء الله هتروح الانترفيو بـ بدلة مثلا يعني او لبس رسمي متؤليش ان انت لابس بدلة و انت موجود انلاين في المنتدي
و في فرق كبير بين ان انت تكلم اصحابك و زمايلك/زميلاتك في المنتدي عن اسلوب كلامك في الانتر فيو ولا انا غلطان ؟

لكن في منتديات فعلا في شروطها ان الردود والمواضيع باللغة العربية الفصحي قدر المستطاع

انا كدة ممكن تتقفل عضويتي بسرعة

ايه الفايده اني اكتب مثلا ث بدل س ؟؟

for fun

وبعتبرها مجرد طريقه للفت الأنظار مش اكتر

مهو التوقيع لفت نظر و الصور الشخلصية برضة للفت النظر عشان كدة كل واحد بيتميز بتوقيعة و حتي محاولات توحيد التوقيع فشلت في المنتدي قبل كدة
غير محاولة مستمرة برضة للفت النظر
برضة الالوان في الرد بتكون عشان لفت النظر يعني رد حضرتك كلة ب لون واحد ماعدا سطرين منورين اوي لية ؟ لفت نظر عشان الجزء دة يتئرا

بس وجهة نظري الشخصية ان لما كل واحد يكتب ب اسلوبة الشخصي ف دة بيعبر عن شخصيتة هو و تفكيرة اكتر من لما الزم انسان انة يكتب ب اسلوب معين ف دة مش هيعرفني اي حاجة عنة لان الكتابة هنا في المنتدي او في المنتديات و النت عموما هي اللي بتوضح شخصية الانسان لان الكلام في الواقع مش موجود يعني انزل الكلية و ماااا علينا من الكلية
يعني انا مثلا بكتب باللغة العامية و دة واضح جدا و ممكن تئول ان مش العامية بس لا انا بكتب زي ما بنطئ الكلمات غالبا انا عارف ان دة لغويا غلط و العربي ممكن يكون رايح في داهية معايا و انا ناوي احسن الموضوع دة عندي ان شاء الله بس في مثلا مصطلحات بستحدمها في الردود هي مش في العربي اصلا -غير ان ميتوو كتب "انترفيو"بالعربي و هي كلمة مش عربي اصلا- لا المصطلحات زي "انت مشهيصنا" تاريبا كتبتها لعبد الحميد في رد مرة و دي نفس الكلمة اللي كنت هؤلهالو لو كان واقف ادامي بغض النظر عن في جنس تاني ولا لا مهم موجدين في الكلة و الكلمة مش عيب و مش مقصود بها حاجة غلط اذا اية المانع اني اكتبها

يا دة انا كتبت كتير اوي مش مشكلة اللي عندة وقت يقرا بقى
اة ابل ما اخصل في حاجة بتدايقني انا في الردود ان بعد ما اي واحد/وحدة يكتب رد يقولك في الاخر اسف علي الاطالة !! طب بدام انت او انتي عارفين انكم طولتو اذا لو كان في فيدة من الكلام الكتير لية الاسف او لو مكنش في فيدة اذا كتبتوة لية اصلا !!
انا مبطولش غير لو في وجهة نظر بحب انها توصل كاملة
بالمناسبة برضة انا مع الجزء بتاع لية سلامنجا دي مع انها funny برضة
سلام

علي فكرة انا مش بحب حوار ال "س" تتكتب بدلها "ث" و خصوصا لما ولد (راجل)يكتبها
لاكن في العموم عادي يعني و منكرش اني كتبتها كام مرة في كلمة "بس"خلتها"بث" برضة لية for fun

مش موضوع ان كل واحد هيخترعلو لغة -انت مش بتاع برمجة اعتبرة نظام تشفير-و المشكلة بس في الاستخدام يعني مثلا حبايبنا كانو عملين نظام التشفير الخاص بتعهم لحد لما تم كسرة من قبل ناس تانية فكرين ,بس كان الاستخدام غالبا في التوقيع مثلا و الحجات دي انما مكنش اسلوب الرد الاساسي لان برضة انت بتراعي ان في ناس تانية ب تقرا الموضوع

و بعدين بالنسة لـ "مشهيصنا" انا كتبتها علنا و برضة لسة بالنسبالي عادي لو في معترض او شايف مثلا انها بتخدش الحياء يقول و برضة انت كررتها في الرد عليا و اهو احنا ادام الناس كلها (شباب و بنات) انا كنت رادد بيها في منتدي اللينوكس
https://noor-fci.yoo7.com/montada-f19/topic-t3892.htm
اول رد و لو كانت غلط كانت اتحزفت او اتعمل عليها ريبورت

اوك سيبك من المواضيع الجانبية

برضة جزء التشبية بتاع الكلام هنا و في الانتر فيو
سيبك من التشبية انا عند كلامي من غير تشبية
في فرق كبير جدا بين الكلام في الانتر فيو و الكلام في المنتدي
و مينفعش نشبة دول بـ بعض

ملحوظه بس صغيره ع الكلام

الحاجات الي حضرتك كاتبها دي مش اسمها لفت نظر

بدليل ايه كل حد هنا عنده امكانية وضع توقيع وامكانية وضع صوره شخصيه

وليه حرية اختيارهم حسب حريته الشخصيه طالما مش بتخالف القوانين

الألوان موجوده للجميع مش موجوده لشخص والباقي لاء يبقي مش لفت نظر برده طالما الالوان واحده للجميع

وتنسيق الألوان ملوش دعوة بلفت النظر علي الاطلاق لانها حاجه ذوقيه لصاحب الكلام

لو جبت لون خارج عن الموجود يبقي اوك ده اسمه لفت نظر

ايه معني أصلا لفت النظر : معناه اني اعمل حاجه غير مألوفه أو خارج الطبيعي

عشان الكل يركز عليها وينبهر بيها

اما لو انا مثلا اتكلمت بطريقه عشان الفت الانتباه سواء اتكلمت بدلع

او عملت ال س ( ث )

او ال ر ( غ )

او قلب اي حرف لاي حرف تاني

يبقي اكيد وبدون شك هو ده لفت النظر

ويختلف كتير عن الي حضرتك كاتبهم دول

ولا ايه ؟