دوره فلاش

بسم الله الرحمن الرحيم


انا نويت ابدا الموضوع دا لما لقيت عابد وعبد الله وميتو فعلا بدأوا مع الناس النهرده
اللى عاوزه تشتغل والى حد ما العدد كان كويس
كـ بدايه
عشان كده قولت افيد الناس باللى عارفه
فيما يخص برنامج الفلاش

نويت أبدأ معاكم كورس فلاش شامل ان شاء الله
.... انا فى دماغى حاجات كتير ناوى اعملها بس مبدئيا كده
اللى ناوى ان شاء الله يشتغل معايه فى الدوره دى
ياريت يسجل اسمه هنا
ونا ان شاء الله هبدأ من بعد بكره
الاتنين الموافق 17/3/2008

ونا فى دماغى فكره كده
وطبعا حسب رأى الاعضاء اللى هيشاركوا فى الدوره
وهما اللى يختاروا :

1) يا اما ابدا الكورس هنا عالمنتدى بمعدل كل يومين درس
وطبعا هيكون الشرح بالصور ان شاء الله او بالفيديوهات

2) تانى اختيار بقه .... طبعا فى ناس بتحب الشرح دايما يكون فى ورق عشان
تذاكر منه او بتفهم اكتر وعشان كده ممكن اعمل الكورس دا على ورق
بحيث مثلا كل تجمع
اوزع الورق بتاع درس النهارده مثلا
وبردو هشرح كلامى
سواء شفوى او لو فى نقطه معينه تتوضح عالسبوره مثلا مفيش مشاكل

انا قولت الاختيارين دول
وطبعا انتوا اللى تختاروا وتحددوا اللى انتوا عاوزينه

بس لازم يا جماعه اللى هيشترك
يسجل اسمه هنا
عشان على اساسه
هعمل حسابى مثلا لو الناس اختارت الاختيار التانى
على اساس دا
هطبع الورق على العدد بالظبط


وبالنسبه للناس اللى مش عندها البرنامج وبتواجهها مشاكل فى تحميل البرنامج
من الموضوع دا
ماكروميديا فلاش 8
بردو هنسخه على سيدهات ان شاء الله واوزعها عليكم
بس طبعا هاخد تمن الاسطوانه منكم

انا مستنى ردود اللى عاوز يشترك
عشان نبدأ بقه بجد ومنضيعش وقت


خلاصه الكلام بقه

اللى عاوز يشترك فى الدوره دى
كل اللى هيعمله
يدخل هنا يسجل اسمه ورأيه تكون الدوره ازاى من الاختيارين دول واخر حااجه
يقول البرنامج عنده ولا لاء


ومستنى الردود