دعوة للتفاؤل والامـــــل

السلام عليكم ورحمة الله
طبعا اللى حيقرا العنوان..مظنش انه يفتكر ان انا اللى كاتبة الموضوع وخاصة اصحابى
بس الموضوع دا كان نفسى اكتبه من زمان ومكنتش عارفة اكتب فية اية..بس جه الوقت المناسب اللى
اعرف كويس حكتب فية اية وكمان الكلام حيبقى شوية ومش حيطلع كل اللى جوايا...
بداية..احب اعتذر..لكل اللى زعلتهم من غصب عنى او فهمتهم غلط وهما عارفين انى مش قصدى والحمد لله
وكمان اعتذر لان انا لما كنت بقرا توقيعات الناس..كنت بقول مبالغين شوية..انما دلوقتى قدرتهم
وعذرتهم(اللى بيكتبوا ان خلاص بمعنى اصح مجروحين جرح الدنيا والاخرة وخلاص مفيش حاجة حلوة
ولا حاجة تفرح...(كمثال))..عذرتهم لان كمان هما بيدونا مثل بسيط واللى فى قلبهم عمره محيطلع..
سبنا من كل دا برغم انه اساس الموضوع انما ندخل فى الحل لكل دا(اللى هوا الامل والتفاؤل)عايزين نطلع من اللى احنا فية..مش عايزين نعيش من غير قلب ونقول خلاص قلوبنا ماتت
(انا اول اللى بيقول كدا)عشان كدا انا بكتب الموضوع دا ليا..ولكل اللى زيى وحسيت بيهم سواء من كلامهم
او من توقيعاتهم او احساسهم اللى باين..
دلوقتى حقول...مش لازم نعيش بقلب مكسور عشان حد حطيت املك كله فيه..عشان اعتمدت علية ووثقت فية...
عشان مشفتش فى الدنيا غيره ادامك...عشان رسمت حياتك من خلاله وبيه...
الانسان دا...اللى عملت كل حاجة عشانة وبعدين كسرك..خدعك...دمر حياتك من غير اى سبب تعملهوله
...كنت بتدية عشان بس يفرح..وتتنازل عشان بس يرضى...
الانسان دا ...هوا الخسران اكيد..مش حيلاقى حب بعد كدا ولا حد يقدره ولا هوا حيعرف يقدر حد..
الانسان اللى يخدع ويدمر مش حيلاقى قدامة غير الخداع والدمار..
يعنى ببساطة مش انت الخسران..دا هوا الخسران..فى لحظة المك وصدمتك من خداع الشخص دا
حتقول ان خلاص حياتك ادمرت وقلبك مات ومبقاش فى اى حاجة تفرح وطعم الحياه كله مرانما عشان تعيش...لازم تنساه..اه تنساه..حتى ولو كل يوم بتشوفه ادامك
طب ازاى؟..اول متشوفة تقول الانسان دا ميستحقنيش...الانسان دا معرفش يقدرنى..الانسان دا تجربة وعدت
جرح قلبك المكسور دا...اللى انت بتقول ان خلاص مااااات..حيبدأ يوم ورا التانى جرحه يلم ويبتدي يطيب
ومعنى كدا تبتدى افكارك تجاه الانسان دا تنعدم لدرجة انك لما تشوفة تحس انك مش طايق تشوفة عشان اللى عمله فيك
يعنى المفروض نحاول بايدنا نعالج جرحنا...لان ببساطة اوى مفيش حد حيعرف يعالج قلبك غيرك انت..
لان قلبك دا مش ايد ولا رجل اتكسرت حتتجبس وتبقى تمام وزى الفل..لا دا قلب..يعنى انسجة..يعنى ارق حاجة
فى تكوين جسم البشر وارق حاجة عايش بيها وبتشوف الحياه بيها..
عشان كدا لازم ندى الامل لقلوبنا على طبق من دهب......لازم نقول لنفسنا فوووووووقى يا نفسى
انتى رايحة فين؟...عايزة تضيعى منى تانى؟..عايزة تتكسرى زى مناس تانية اتكسرت؟؟!!..
لا لغايت هنا ونقف..ونقول لازم نمشى..مش عشان اتجرحنا واتخدعنا وقلبنا ضاع منه احلى حاجة تبقى دى نهاية حياتنا
.....لالا مفيش حد بيتعلم بالساهل..عشان تتعلم وتعلم ناس تانية بعدك وتعلم اولادك..لازم تكون جربت واتعلمت
من تجربتك وتحمد ربنا ومتستسلمش ليأسك ولالمك...لازم تقول للى خدعك وجرحك دا..انا اهو
عااااايش من غيرك...واحسن انى بعدت عنك لانك طلعت خاين ممكن فى اى وقت تبعنى وربنا فوقنى..
دلوقتى كل دا؟ميعملكش حافز بانك تقول انا خلاص حيبقى عندى امل ومفيش حد يستاهل دمعى؟!!
بان مفيش حزن يستمر ولازم تكون سعيد وتستقبل الحياه ببهجة لان المشاكل مش بتنتهى؟!!
تعالو كلنا نجرب نعمل بنفسنا قلوب مليانة بالفرحة او حتى تنسى الجرح باى طريقة...
يلا كدا نغير توقعيتنا لاحلى حاجة ونقول خلاص حننسى اللى باع ..حننسى الجراح..حنعيش للحياه واللى جاى
احلى من اللى راح باذن الله...
والله طولت بطريقة انما طلعت جزء من اللى جوايا ويلا نبتدى نغير المنا
وشكرا

الكلام طول عمره سهل بس الفعل حاجه صعبه اوى
ممكن تغيرى توقعيك وتأ ولى ان انتى اسعد انسانه فى العالم بس قى الاخر برده كلام
ممكن تقولى ان الجاى احسن من اللى فات
بالرغم ان انتى عارفه ان اللى فات صعب انك تعوضيه
كله كلام *كلام

انا بحاول...ادينا بنحاول وعايزين نشوف حل
كلام حضرتك صح بس انا بحاول ويا ريت نساعد بعض..الواحد بقى ..
اقول اية بس
اللهم امتنى ان كان الموت خيرا لى واحينى ما كانت الحياه خيرا لى
وشكرا لحضرتك جدا