رمضان في طفولتك ذكرياتك عنه ايه؟

(رمضان ايام زمان واحنا لسه اطفال )

سلام عليكم

عاملين ايه ؟

رمضان هل علينا وكل سنه وانتوا طيبين





طبعا كل واحد فينا ليه ذكريات جميله اوي مع رمضان وهوا صغير
جو رمضان ايام الطفوله مختلف ..
لاننا بنكون لسه مش متعودين نصوم ..
ولسه بنعود نفسنا شويه شويه


دا غير اننا بنحس برمضان اكتر .. تعرفوا ليه؟
لاننا بنفرح بيه فكل يوم منه .. بنحس اننا في يوم مختلف عن الي قبله
وبالذات مع زيارة الأقارب واللمه الحلوة في رمضان


دلوقتي .. حابه نعرف احنا ازاي كنا بنعيش رمضان واحنا صغيرين ..
الي الذكريات الي لسه فاضله فمخيلتنا من الايام الجميله دي ..
وامتى ابتدينا نصوم بجد مش اي كلام

ايه الموااضيع الجامده دي يا بنتي
والله افتكرت حاجات حلوه اوووي
طبعاا يعني افتكرت وانا صغيره لما كنت اصمم اني اصوم وماما تقولي خلااص صومي للعصر
دي طبعاا معروفه كلنا صومنا للعصر قبل كده
طبعاا غير لمه العيله اللي للاسف معدتش بتحصل
والمسحرااتي اللي كان بينادي اسمي .. كنت بقول عيب اووي ينادي اسمي وانا مصمش تاني يوم
كلها والله ذكريات حلوه وميرسي يا سمسمه علي الموضوع الجميل ده