--( زواج الأقارب )--

هل انت مع أم ضد زواج الأقارب ؟
بصي لو الحكاية ان العيلة هما اللى خططوا
يعنى زى مابتقولى من صغرنا يبقى فلان وفلانه لبعض طبعا ده غلط جدا وانا ضد ده جدا طبعا
لكن لو هما اللى اختاروا بعض خلاص مفيش مشاكل
مفيش بقى حاجة اسمها انا هتجوز ابن خالتى عشان هما قالولى كده وهيزعلوا لو ده محصلش
وده احنا قاريين فاتحة من وانا فى اللفه والهبل ده

انتي زيه توافقي عشان أهلك حتي لو مش عايزة الشخص ده ؟؟
لا طبعا استحالة اوافق

طيب ولو اتحطيت في موقف انك يا تخسر اقرب حد ليك في عيلتك يا تتجوز الجوازه دي
يا تري هتتصرف ازاي ؟؟
هترفض وليكن ما يكون ؟؟ ولا هتقبل وتعيش مش سعيد بقيت عمرك ؟؟
لو انا مش موافقه ع الجوازة هرفض طبعا
واكيد هفضل اقنعهم ان مش ده الشخص المناسب وهقول سبب رفضي ليه
وهحاول معاهم عشان يقتنعوا وميزعلوش
وفى الاخر لو اصروا يبقى خلاص هما حريين حتى ولو هيحصل قطيعة رحم طالما انا مش موافقه

ابن عمي كان اتقدم لاختى وهى موافقتش رغم انهم كانوا عندهم امل كبير جدا
وكانوا واثقين جدا ان هى مش هترفض وكان متقدم وهو متامد ان هى هتوافق
هى اه اترددت كتير اوى بس فى الاخر رفضت والحمد لله محصلش زعل ولا حاجه والموضوع اتنسى وخلاص يعنى عادى

بس فى ناس بتبقى رافضه جواز القرايب بتاتا عشان المشاكل اللى ممكن تحصل بعد كده سواء اجتماعيه او صحيه
انا بصراحه مش مع الرأي ده
يعنى طالما الشخص مناسب خلاص

وربنا ميوقعنا فى المواقف البايخة دى
وشكرا يا سمسمه ع الموضوع

مهو انا يا سمسمه قولتلك انى فى الاول طبها هحاول على اد ما اقدر اقنعهم ان الموضوع مش نافع
وهحاول معاهم مرة واتنين وتلاته
بس هما لسه برضه مصرين وانا قولت كل اللى عندي وحاولت قدر المستطاع

يبقى انا كده ماليش ذنب

هى مشكله كبيره فعلا بس حلها بسيط الاستعانه بالله اولا وصلاة الاستخاره مرارا وتكرارا ثم محاوله اقناع الاهل بالافضل واخبارهم بالقيام بصلاة الاستخاره وطبعا ربنا لا يخيب امل من استخاره ودى نصيحه من اختكم الكبيره ورد الاستخاره مش شرط يبقى حلم لأ الرد هو الاحساس بالراحه اتجاه الشئ الافضل وتسهيل طريقك ليه ولا خاب اوندم من استخار والله المستعان احيكى على الموضوع ياسمسمه وربنا يرزق بنات وشباب المسلمين بالازواج الصالحين اللهم امين