اخوانى و اخواتى
اوقات كتير أوى بنكتب مواضيع وبنكون شايفين انها مواضيع مهمة
او مواضيع هادفة او شايفنها اهم كير من مواضيع تانية
و بنكون بنحلم بأن الردود تنهال و تنهمر علينا
و كلمات المدح و الشكر
تملأ صفحات الموضوع
و المشرفين يعجبهم جدا الموضوع ويشكرونا على مجهودنا الرائع في القسم
ونقول الموضوع ده لازم يتثبت لاااازم
و يدخل مدير المنتدى ويشكرك على اضافتك القيمة للمنتدى
و تبقى مشهور جدا في المنتدى وكل الاعضاء عارفين انك عضو مميز وعضو جامد
من بتوع المواضيع الجامدة اللي مفيش منك اتنين في المنتدى
و تدخل المواضيع التانية تلاقى الناس بيتكلموا عنك و عن موضوعك الجميل
وبعد ما تعمل الموضوع و تتعب فيه و تنسقه
و تقعد مستنى
تعدى ساعة ساعتين
و محدش معبر الموضوع
و الموضوع يغوص فى اعماق صفحات القسم
و تضطر تدخل و تقول
ايه يا جماعة محدش بيرد ليه؟ هو الموضوع مش عاجبكم؟
و حتى بعد ما تكتب السؤال ده
برضه محدش يدخل حتى يقولك لا يا سيدى مش عاجبنا
!!
و تمر الأيام
و يتعاقب الليل و النهار
و بعد مرور عشرات الايام و الموضوع زى الفل كما ولدته أمه
و فـجـأة
تجد هناك رد جديد فى الموضوع
و الموضوع طلع فوق من تانى
تقول انت بقى
هيييييييييييييييييه
حد رد عليا
!!!
تفتح الموضوع و تشوف
تلاقى عضو تانى داخل بيعمل اعلان عن موضوعه
!!!
و حتى ماقلش اى كلمة شكر و لا السلام عليكم ولا اى حاجة؟!
أنا عارف ان ده بيحصل مع ناس كتير
واوقات كان بيحصل معايا
و بشوف الحكاية دى كل يوم
و أنا بلف فى اقسام المنتدى
قلت أعمل الموضوع الغريب ده
نجمع فيه كل مواضيعنا اللي شايفنا انها مخدتش حقها أو اللى تعبنا فيها
ومحدش رد عليها
يعنى كل واحد عنده موضوع بالشكل ده
يدخل
و يضع الرابط بتاعه هنا
و يحكى حكايته
و كمان نتناقش مع بعض
ايه اسباب نجاح بعض المواضيع و فشل البعض الآخر
ايه عوامل نجاح المواضيع؟
كيف تجذب انتباه الأعضاه؟
كيف تجذب انتباه الأعضاه؟
هل سبب نجاح او فشل الموضوع هو عنوانه او محتواه او تنسيقه او العضو اللى كتبه؟
ولا ايه بالضبط؟؟
وياريت لو كنت كتبت موضوع وشايف انه حصل فيه كده
حط اللينك يمكن حد يدخل ويشوفه
فى انتظار مشاركاتكم
سلام