التربيه !!!؟؟؟؟

غير ان احنا كل واحد فينا يقول مثلا موقف حصله

بابا لبسهم وقالى كلمة انتى هتبقى ست بيت خيبة

راحت ماما قالتلة اللى انا اللى بكوى الهدوم

اول ما شافنى قالى ورينى ايديكى عشان يشوف الحروق المتوقعة

طبعا كان بيصلحنى بطريقتة

بس اللي بعتقد انه صح في تربيه الاولاد انك تكون صاحبهم اوووي
وتسمعلهم .. واذا حصلت مشكله اخر حاجه تلجألها الزعيق و قلبه الوش
وطبعاا منستهزأش باي حاجه يقولوها
و تحاول تفهمه اوووي .. يعني نعرف امته نحسسه انه كبير ولازم يشتال المسئوليه
وامته نحسسه انه صغير ومحتااج شويه دلع

مضمون الكلام بيقول :: ان من سن 2 سنه لـ 7 سنوات
.. الطفل بيتلقي كل الانجازات بطريقة تلقائية من الاب والام .. ودي تعتبر
اهم مرحلة من مراحل الطفل كعامل من عوامل التربية .. لانها هي اللي بتحدد
مصير الطفل بعدين

من سن 7 لـ 14 دي فترة انجازات الطفل الشخصية
لانو بيكون خرج لعالم تاني خالص مثل المدرسة والاماكن الاخري وبيبدأ ينجز
انجازات فردية ( مثل تكوين صداقات ) دون تدخل الاب والام ودي مترتبة علي
الفترة الأولي لانو تعاملاته هتكون من منطلق التأثيرات الأبوية وهتكون
عامل كبير في تحديد شخصيته لان بيكون في عوامل خارجية ممكن بتأثر بالسلب
وبالتالي هو بيستطيع انو يواجه المؤثرات دي بشخصيته اللي تربي عليها

بالتالي
الفترة الحرجة اللي من سن 14 سنه لـ 21 اللي هي اسمها فترة التفرد بمعني
اصح " المراهقة " سواء مراهقة فكرية او غيرها دي بتبقي مؤثر قوي بيتحكم ف
تحديد مصير الانسان وشخصيته المستقبلية

بالنسبة لدور الأب والام فهو أكبر عامل زي ما اتفقنا
لازم الأب والأم يتعاملوا مع الأطفال برفق عشان يقدر الطفل يتلقي ويتعلم
مش نربيهم علي لارعب والخوف والخوف من ابداء الآراء والخوف ايضا من المواجهه
لان
لو اتربوا علي كدا .. هيخاف يعد مع ابوه وامه بل " هيكره " يعد او يتكلم
معاهم وبالتالي مش هيكون صريح معاهم نهائي وهيبدأ في الفترة التانية وعنده
رغبة في انو يتحرر من القيود دي
وبالفعل هيكون مستجيب لاي مؤثرات سلبية في الفترة التانية

المهم بقه انا عن نفسى بجد بفكر انى اربى ولادى بطريقه معظم الناس بيعترضوا عليها
الا وهى عدم الضرب بجد نفسى اربى اولادى كده بدون ضرب خاااااااالص
الناس بتقول لازم الشده فى بعض الاحيان اوك شده بس بدون ضرب ابدا
عاوزه اتعامل معاهم باسلوب متحضر عن كده

طريقه جميله اوى يا نور القلب

بس للاسف مش بتنفع فى كل الاوقات

بتنفع فى حاله واحده بس ان الطفل اللى قدامك يكون بيحبك اوى ومش عايزك تزعلى منه ابدا

فبتالى لو بصة غضب واحده من غير كلام الطفل ده هيسمع الكلام ويتعدل على طول

ماما كانت بتعمل معانا كده كانت بتضربنا بس كل فييييييييين وفييييييين

انما لو الطفل عرف انه لو قال انه غلط فى الحاجه دى وهيضرب اكيد مش هيقول فبتالى مش هعرف اعلمه الصح
ويطلع بقه الطفل لغايه ما يكبر
مش عنده شخصيه وعدم ثقه طبعا غير الكذب وحاجات كتير واهمها الخوف ودى صفات اكيد اى ام مش بتحبها فى الاولادها

يعنى على اد حجم الغلطة تكون العقوبه