الكتب و البرامج المجانية!

السلام عليكم

مع اني مش بحب النقاشات اللي من النوع ده
بس لازم آخد رأي الناس و أعرف وجهات النظر


انا بقالي حوالي سنة ماشي بمبدأ الكتب و البرامج المجانية
يعني ... مابجيبش كتب "مش مجانية" و أذاكر منها

و ده على أساس ان السرقة حرام!!
واحد قاللي الكتب دي علم ... يعني ماينفعش حد يمنع عنك العلم ده ....
بس هوا ماحدش منعني من العلم ... هوا بس عاوز مقابل عشان اخد العلم ده
و المقابل ده هوا الفلوس


واحد تاني قاللي ان دول عالم كفرة ... يعني ناخد منهم زي ماحنا عاوزين ...
ردي كان ...
أنا دخلت شركة Dell مثلا .... هل عشان هما مش مسلمين آخدلي لاب و أمشي من غير ما ادفع تمنه؟؟


المشكلة بقى في الرد عليا في الآخر ...
الكل بيقوللي ... انت ليه بتربط ده بده؟ يعني ليه بتربط الكتب التكنولوجية بالحياة العادية بتاعتنا

انا شايف انهم هما الاتنين واحد
الحياة التكنولوجية جزء من الحياة الطبيعية اللي قصدهم عليها



و بعدين طالما الموضوع مشكوك فيه ... ليه بنكمل برضه واحنا عارفين انه ممكن يكون غلط؟!!!


واحد قاللي انا مش بضر صاحب الكتاب (مثلا) لما آخده ببلاش
لا يا باشا انت بتضره انك بتاخد حقه ...انت خدت حاجة منه من غير ما تديله تمنها
ازاي بقى مابتضروش؟!!



انا اتسألت أسئلة كتير جدا بخصوص الموضوع ده ... بس انا شايف ان المبدأ اللي انا ماشي بيه صح
و محدش قدر يغيرلي المبدأ ده لحد دلوقتي

انا عاوز الناس تقول بس ايه وجهة نظرها في الموضوع ده؟

عارف ان الموضوع ده بيضايق ناس كتير
بس لازم نناقشه!!

شكرا

سلام

واحد تاني قاللي ان دول عالم كفرة ... يعني ناخد منهم زي ماحنا عاوزين ...
ردي كان ...
أنا دخلت شركة Dell مثلا .... هل عشان هما مش مسلمين آخدلي لاب و أمشي من غير ما ادفع تمنه؟؟

انا مش مع وجه النظر دي

لكن مع وجهة النظر بان الانتفاع بالعلم مش حرام

واحنا اتكلمنا في الموضوع دا كتير جدا

ولو هتطبق الموضوع علي الكتب يبقي تطبقه في حياتك كلها

اشمعني علي الكتب اه

والافلام والاغاني لا

ما دي ليها حقوق ودي ليها حقوق ...

############################

بالنسبة للبرامج ... اعتقد بلاش نستخدم حاجة مش مجانية

لان دي مفروض انها بتقدملك خدمات اعتقد لا بد يكون ليها مقابل

اما عن العلم والعلوم فمينفعش حد يحتكر العلم لنفسه لانه مش بتاعه ومش بتاع حد

دا رأيي

انا مفكرتش فى الموضوع ده قبل كدا
مش عارفه الصراحه ان كان حرام ولا لأ
idk !!

ولو هتطبق الموضوع علي الكتب يبقي تطبقه في حياتك كلها

اشمعني علي الكتب اه

والافلام والاغاني لا

ما دي ليها حقوق ودي ليها حقوق ...

قبل كده كنت بقول ... انا هتفرج على فيلم مثلا ... مش هيفيدني في حاجة في شغلي بعد كده
على أساس يعني مابقاش قلقان من أي قرش هيجيلي انه يكون حرام ولا حاجة!!

بس لما رجعت فكرت فيها ..
لقيت ان معاك حق ...
بس انا عانيت عشان أبطل أجيب كتب "مش مجانية"
فلسه شوية على ما أبطل الأغاني و الأفلام (ولو اني عارف ان ده غلط ... بس ان شاء الله هبطل!!)

اما عن العلم والعلوم فمينفعش حد يحتكر العلم لنفسه لانه مش بتاعه ومش بتاع حد

هوا اوكي ده رأيك وانت حر فيه
بس انت ليه دلوقتي فصلت العلم عن البرامج؟
مش البرامج دي تكنولوجيا؟!
و مش التكنولوجيا علم برضه؟!!


الموضوع مش سهل خالص

واحنا فعلا اتناقشنا فيه لما خلاص هنتجن كلنا!!

KatKat كتب:فى كتب كتير صعب اننا نلاقى زيها فرى و اوبن سورس

هوا معاكي حق في الحتة دي
بس أنا بجيب الـ index بتاع الكتب (من amazon .. يعني بطريقة شرعية!) .. و أدور في google على المواضيع اللي انا عاوزها!!

بس انت ليه دلوقتي فصلت العلم عن البرامج؟
مش البرامج دي تكنولوجيا؟!
و مش التكنولوجيا علم برضه؟!!

اللي انا مقتنع بيه بردو في الجزء دا

البرامج دي خدمه حد بيقدمهالك بشرط مقابل

يعني دلوقتي واحد جاي يصلح عندكوا مثلا حاجة هيمشي كدا من غير فلوس

مينفعش طبعا

لكن العلم نفسه أساسا مينفعش ولا يحق لحد انو يحتكره

لانه مش بتاعه .... العلم دا ممتد للعصور الأولي من بداية الخلق

فمش بتاعه ولا يحق ليه انو يتحكم فيه

وانا اعتقد ان دور النشر بتاخد الفلوس علي الطبع وكدا ،، فانت لو عاوز تشتريه مفيش مشاكل

والا كمان مكنتش تلاقي كل اللي انت عاوزه علي النت بسهوله كدا

#################

لما انت بتروح تشتغل في شركة وتعملوا برامج لمؤسسات وكدا اكيد بناخد مقابل قصاد الخدمة دي

لكن الكتب تحتكرها ليه ؟؟؟

عارف عامله بالزبط زي موضوع الاوبن سورس

المعرفة يجب ان تكون حره

البرنامج ليه بينزل اوبن سورس ...... لان السورس نفسه علم ومينفعش تحتكره

وبردو يظل كل منا مقتنع بوجهة نظره

واحنا فعلا اتناقشنا فيه لما خلاص هنتجن كلنا!!

قريب هيشوفنا بنتخانقف في بعض وماسكين سكاكين

لا حضرتك موضوع التورنت دا موضوع مختلف خالص

الفكرة أصلا ان التورنت عملية sharing

كل اللي بيحصل اني بعمل ملف التورنت وبحط فيه الـ trackers اللي هي وظيفتها مجرد عملية Manage للـ Swarm

مين بيحمل وكل واحد عنده قد ايه ، الـ ratio بتاعت كل واحد كام

فانا في التورنت مبرفعش علي موقع او علي سيرفر

sسلام عليكم
الموضوع فعلا مهم جدا بالذات اما نلاقى وجهات النظر فية اختلفت بالشكل دا!!!
ربنا عز وجل قالنا نتعلم
وقال ان لازم نعلم غيرنا
والرسول علية الصلاة والسلام قال اطلبوا العلم ولو فى الصين
معنى الكلام دا ان العلم مش ببلاش
ومش معنى انى عايز اتعلم ....ان لازم العلم اللى انا بتعلمة دا يكون مجانى(حتى لو فى الكتب) تبعا لنظرية ان محدش يحتكر العلم لنفسة!!
طب لية؟؟!!
لان مينفعش اى حد فى الدنيا ميجنيش ثمار عمله
بمعنى كل حاجة بنعملها اه لازم تبقى لله
ولكن
لازم ينتفع الانسان شخصيا بيها
يعنى لما حد يألف كتاب
وينشرة
مينفعش نقولة انت نشرت علمك...
يبقى خلاص نزل الكتاب مجانى عشان الكل يستفاد من العلم دا
ومتاخدش فلوس عشان كدا بتحتكر العلم!!
دا كلام مش منطقى فى اى مجال من مجالاات الحياه لان الانسان بيشتغل عشان حجات مهمة جدا
والشغل دا اللى هوا من ضمنة نشر الكتب ليعم النفع والفائدة للجميع وللكاتب او ناشر العلم شخصياا
لان الانسان بيتشغل
لرضى الله وعبادته
لنفع الناس
ولمنفعتة الشخصية
الحكاية دى تكون حرام فى حالة واحدة
ان يكون اهم حاجة عند اللى ناشر العلم الفلوووووووووووووس ويغلى سعر الكتب كمان
ودى وجهه نظرى
شكرا

اها ..

لا بردو كدا احنا ما زلنا في نقطة الكتاب نفسه حلال ولا حرام

احنا بنقول الكتاب ذات نفسه ينفع افتحه وهو مش بتاعي

سواء انا جايبه من حد او لا

الكتاب نفسة
ينفع تفتحة وهوا مش بتاعك
فى حالة واحدة
ان صاحب الكتاب يكون عارف انك حتفتحة اصلا...
يعنى لو open suorce خلاص
لو غير كدا
يبقى لازم تدفع فلوسة
ومش حرام على صاحب الكتاب
لان دا حقة
والله اعلم

عموما يبقي كل منا مقتنع بوجهة نظره

" ملحوظة " تقريبا كل الحاجات اللي اشتغلنا منها في الجافا مكنتش مجانية ما عدا التوتوريال بتاعة صن

اللي مقتنع انو مينفعش ... يبقي يفضي كل المعلومات اللي اكتسبها بقي من الكتب دي



سلاااااااااام

لالالالالا انا كنت بتكلم فى نقطة ومقربتش من النت خالص
رغم ان الحكاية متختلفش كتير
بس لو عالنت
اما حد يعمل سيرش وتطلعلة حاجة هوا عايزها وبعد معاناه
انت عملت سيرش وهيا طلعت
يبقى خلاص اية المشكلة؟؟
انا مكسرتش ازاز مثلا وسرقت حاجة
مفتحتش دولاب (صاحب الكتاب) وخدت الكتاب منه!
انا لاقيت الحاجة دى زيى زى بقيت الناس يبقى اية المشكلة لو اتعلمت منها بدون مقولة!!
وحقولة ازاى اصلا دا لو ينفع يتقاله!
انا كنت بتكلم فى نقطة الكتب عموما