ليه لازم نسخن الناس؟

السلام عليكم

من خبرتي في التعامل مع الـ teams المختلفة

لقيت اني (و الحمد لله) بحاول أشتغل دايما و أشغل اللي حواليا

و طول ما انا بعمل كده ... التيم بيفضل صاحي و زي الفل

بس أول ما يحصلي ظرف ولا اي حاجة تعطلني عن الشغل و مابقاش active ... كل حاجة بتقف!!


عندي أسئلة بسيطة ...
1- ليه دايما لازم نسخن في الناس و نقوللهم اشتغلوا؟ ... ليه مايشتغلوش هما لوحدهم؟؟

2- ده السؤال الأهم و اللي عامل الموضوع عشانه .... ازاي ممكن أخلي الناس دي تشتغل من غيري؟!!!

أعتقد في ناس كتير بتعاني من المشكلة دي ... فممكن حد يكون عارف أي حل للموضوع

شكرا

المشكلة كلها
نقص ارادة
لﻻسف
زى تيم الجافا كدا(بالنسبالى)
والحل
ان فعﻻ اما حد يطلب منك حاجة
او تكون فى هدف فى دماغك على حاجة معينة عايز تعملها
حتعملها
باذن الله
انما لو عايز تتعلم كل حاجة(او بمعنى اصح تعرف حاجة فى كل حاجة)
مظنش ان الواحد حيكون عندة اﻻرادة الكافية انه يبقى شغال كويس اوى بدون تسخين فى كل حاجة!!
ياريت اكون وضحت قصدى

طالما سيرة تيم الجافا جت في الموضوع اتكلم بقه

عاوز اقول احساس بيراودني كتير

وهو ان انا من اول ما ابتديت التييم مثلا لما حد يسأل سؤال عالمنتدي محدش بيجاوب لازم ادخل ارد

ليه ؟ اقول انا ليه

لان الناس بقت تريح دماغها طالما في حد ممكن يقوم بالواجب

ومحدش حابب ياخد خطوة غير لما حد يقدمهاله علي طبق من دهب

ولا حد بيذاكر حاجة من نفسه

حتي لما بقول نذاكر كذا بردو محدش بيذاكر

دا اكيد بيجيب لي احباط بمجرد اني افتكر اي موقف لي في التييم

وكمان بيخليني ازهق ومبيقاش عندي اقبال اني اعمل اي حاجة جديدة

فكرة تيم الجافا انجح فكرة حصلت لغاية دلوقتي

بس ناجحه بالزق --- والانسان زي ما بيجيله فترة ويبقي عجوز ومش قادر يعمل حاجة

فاللي بيزق دا اكيد في يوم هيهبط ويزهق ومعدش هيقدر يزق

لذلك هيسيب اللي بيزقه دا

وساعتها ممكن حاجات تقع تاني وممكن حاجات تحاول تتشعلق وتحاول تكمل ( ممكن )

الكلام دا مش تنفير

دا نصيحه وياريت حد لاقي نصايح في الايام دي

عاوز كل تيم البرمجة يدخل ويقول رأيه في الكلام دا وهل فعلا حاسس بالتقصير وحاسس فعلا انو عنده مشكلة كبيرة

ولا لأ

انا قولت مشكلتى