ابدا بنفسك

السلام عليكم ورحمه الله وبركاته
ابدا بنفسك
الموضوع باين من عنوانه
يمكن تكون الكلمه دى بقولها على طول وقولتها كتير جدا بس ياتره كلنا كده وايه فايده كده
كل الناس او معظمهم كل واحد مش عاجبه حاجه فى الحياه زى
النظافه مش موجوده فى الشوارع
عدم وجود نظام فى المصالح الحكوميه
وجود كوسه طبعا
المعاكسات فى الشوارع
مثلا بالنسبه للكليه ناس مش اخدت حقها فى الكليه
حاجات كتير جدا بقول المهم فيه
نيجى بقه للمهم
لو كل واحد عمل زى ما الموضوع بيقول وبدا بنفسه هيكون ايه الوضع الجديد
بالنسبه النظافه
لو انت كل ورقه او اى حاجه جت فى ايدك رمتها فى مكانها الصح
وكل ما شوفت حد من اصحابك قولتله يعمل كده
وهكذا اصحابك قالوا لاصحابهم
وكل واحد بيشوفك بتعمل كده هيتكسف ويعمل زيك اه هتاخد وقت بس ايه النتيجه الشوارع كلها نظيفه
تانى حاجه
النظام فى اى مكان مش شرط المصالح بس
كل الناس بتشكى
انت لو بدات بنفسك ووقفت فى الطابور
او اتبعت النظام اللى انت نفسك فيه وبرده دعوة الناس تعمل كده فى الاول اه هيكون صعب بس بعدين هنتعود
الكوسه ودى كل الناس تشتكى منها
ممكن سؤال واحد اللى بيشتكى من الكوسه دى بجد بجد بيكون هو كمان عاوز ياكل منها بس مش عارف
لما انتى تمشى عادى بما يرضى الله ومش ليك دعوه بالوسايط والحاجات دى ومش تحاول معاها
انت وغيرك واحده واحده الدنيا هتتغير

المعاكسات
وطبعا باقى الحاجات كلها حلها سهل اوى اننا نبدا بنفسنا وبعدين الكل هيتاثر بيك بس هياخدوا وقت ومجهود
يبقه انت تضيع وقتك فى البكاء على الاطلال وتقول لو كان الحاجه الفلانه كذا كانت احسن
ولا تضيعه بانك تغير كل حاجه انت عاوزه بنفسك
مره سمعت فى برنامج ان فى شخص ما حب يغير حاجه فى مجتمع
قعد فتره كبيره جدا يحاول ينشر افكاره ويتكلم مع الناس كلها محدش اتاثر ولا حاجه اتغيرت
فزهق
فقال يبدا فى نفسه فى بيته
اول حاجه هو شويه شويه اسرته اللى فى نفس الشقه اتغيرت وبعدين العماره وبعدين الشارع وبعدين الحى والمدينه وهكذا لغايه ما المجتمع كله يتغير
هوكده كده مش خسران حاجه هو بيطبق الحاجه اللى نفسه تحصل يبقه هيخسر ايه بالعكس الناس بتتاثر بيه
الموضوع الطويل ده
ان اى شخص عنده حاجه فى حياته الشخصيه او المجتمع كله او الكليه او اى مكان
نفسه تتغير مش يستنه حد يغيره ليه لا يغيرها بنفسه ويشوف النتيجه
السؤال بقه المهم
ايه الحاجات اللى نفسك تغيرها سواء فى نفسك او مجتمعك او كليتك وايه الخطوات اللى ناوى تتبعها عشان تغيرها
وياتره حد فعلا بدا بنفسه فى حاجه وحد حواليه اتغير
وياريت كل واحد يحدد ظواهر معينه ونحط هنا خطوات الكل يتبعها عشان يبقه التاثير اكبر
فى انتظار رايكم
وبجد اعذرونى على الكلام الكتير ده
سلام