الرئيسية
بسم الله الرحمن الرحيم
انا طبعا هفترض ان كل واحد دخل الموضوع دا
عاوز يحكم على نفسه ان كان عاقل ولا تافه
..........
دا كلامى الشخصى يعنى مش منقول
طبعا كل واحد له حريه الاختيار ان كان يصدق الكلام دا من عدمه
...........
انا واحد زيى زيكم
يعنى مش بعيد عن الغلط
.
.
.
العاقل والتافه
كلمتين من الصعب تلاقيهم فى شخص واحد لان ببساطه العاقل بيعقل الحاجه قبل ما يقولها
على عكس التافه , يرمى الكلمه من غير ما يعرف معناها او يعرف ان كانت فى مكانها الصح ولا لاء
ولو نلاحظ هنلاقى ان العامل المشترك بين الاتنين هو العقل .واحد بيستغله والتانى ركنه .
ازاى تحكم على نفسك ان كنت عاقل ولا تافه ؟
الكلام
بالنسبه للعاقل .. مش اى حاجه تتقال ومش اى كلام اتكلمه ..ممكن بكلمه واحده يوصل الكلام ... برد واحد فى الموضوع يقدر يحسمه
يعنى متحكمش عليه بعدد الردود
على عكس التافه ... كلامه كتير .. يدخل فى اى موضوع ويتكلم كتير ... يغير مسار الموضوع تماما ...
وغالبا كل دا نتيجه حاله نفسيه بيمر بيها فمش لاقى حاجه يفك بيها عن نفسه غير الكلام ... ميهموش بقه الناس ممكن تقول عليه ايه
او تحكم عليه بايه ... هو كده شايف نفسه انه صح .. حتى لو كان غلط ... بردو كبرياءه هيمنعه انه يعترف بـ غلطه .. وبيفضل على حاله
وميعرفش انه بكده بيقلل قيمته فى نظر غيره يوم بعد يوم
التقليد
بالنسبه للعاقل ... بيقدر كويس انه يتخذ قراراته بنفسه ويقدر يعمل كل حاجه بنفسه لدرجه ان انته تتمنى تبقه زيه
على عكس التافه ... مجرد تقليد أعمى وخصوصا لما يكونوا شله مع بعض ... يفرحوا اوى لما يقلدوا بعض
ومفكروش انه هييجى اليوم اللى معدوش هيشوفوا فيه بعض يعنى كل واحد هيكون فى حاله .. فى بيته .. مع اسرته
وقبل كل دا ... ازاى اصلا هيقدر يكون اسره او حتى يرتبط وهو بالشكل دا
الا اذا
ارتبط بحد زيه ... سعتها الاسره كلها بتكون مبنيه على غلط واساسها الموضوع دا
الشخصيه القويه
بالنسبه للعاقل .. لما تسمع كلامه بس من غير ما تشوفه او تعرفه ; تقدر تكون شخصيه وهميه عنه
لدرجه ان انته هتتجنن وتشوفه او حتى تقعد معاه
على عكس التافه ... ممكن بكلمه واحده منه تقدر تكون شخصيه وهميه عنه
وتندم ان انته ضيعت وقتك معاه او حتى عرفته
الاسرار
بالنسبه للعاقل ... هو سيد نفسه .. يعنى محطش صبعى تحت ضرسك واترجاك انك متعضنيش ..
هو مالك اسراره ... مش بيسمح لحد تانى انه يشاركه فيها
على عكس التافه ... وخصوصا لما تكون شله ... يتبسطوا اوى لما يكونوا عارفين كل حاجه عن بعض ..
ومفكروش ان بعد كده فى حياتهم الاسريه ان ازاى حد ممكن يأتمنهم على سر
او حتى يمنحوا ثقته .
.
.
.
انا مش عاوز اطول أكتر من كده
ممكن يكون فى مواضيع تانيه بنفس الشكل دا
اذا حد حب يرد او يشارك برأيه
ياربت يفكر الاول كويس قبل ما يرد ... ردودك اللى بتكتبها هيه انعكاس لـ شخصيتك
ممكن بسطر واحد او سطرين
توصل الكلام على عكس اى حد تانى .. ممكن يكتب صفحه كامله وهو اصلا مش عارف دا ايه !!
بالتوفيق . .
انا طبعا هفترض ان كل واحد دخل الموضوع دا
عاوز يحكم على نفسه ان كان عاقل ولا تافه
..........
دا كلامى الشخصى يعنى مش منقول
طبعا كل واحد له حريه الاختيار ان كان يصدق الكلام دا من عدمه
...........
انا واحد زيى زيكم
يعنى مش بعيد عن الغلط
.
.
.
العاقل والتافه
كلمتين من الصعب تلاقيهم فى شخص واحد لان ببساطه العاقل بيعقل الحاجه قبل ما يقولها
على عكس التافه , يرمى الكلمه من غير ما يعرف معناها او يعرف ان كانت فى مكانها الصح ولا لاء
ولو نلاحظ هنلاقى ان العامل المشترك بين الاتنين هو العقل .واحد بيستغله والتانى ركنه .
ازاى تحكم على نفسك ان كنت عاقل ولا تافه ؟
الكلام
بالنسبه للعاقل .. مش اى حاجه تتقال ومش اى كلام اتكلمه ..ممكن بكلمه واحده يوصل الكلام ... برد واحد فى الموضوع يقدر يحسمه
يعنى متحكمش عليه بعدد الردود
على عكس التافه ... كلامه كتير .. يدخل فى اى موضوع ويتكلم كتير ... يغير مسار الموضوع تماما ...
وغالبا كل دا نتيجه حاله نفسيه بيمر بيها فمش لاقى حاجه يفك بيها عن نفسه غير الكلام ... ميهموش بقه الناس ممكن تقول عليه ايه
او تحكم عليه بايه ... هو كده شايف نفسه انه صح .. حتى لو كان غلط ... بردو كبرياءه هيمنعه انه يعترف بـ غلطه .. وبيفضل على حاله
وميعرفش انه بكده بيقلل قيمته فى نظر غيره يوم بعد يوم
التقليد
بالنسبه للعاقل ... بيقدر كويس انه يتخذ قراراته بنفسه ويقدر يعمل كل حاجه بنفسه لدرجه ان انته تتمنى تبقه زيه
على عكس التافه ... مجرد تقليد أعمى وخصوصا لما يكونوا شله مع بعض ... يفرحوا اوى لما يقلدوا بعض
ومفكروش انه هييجى اليوم اللى معدوش هيشوفوا فيه بعض يعنى كل واحد هيكون فى حاله .. فى بيته .. مع اسرته
وقبل كل دا ... ازاى اصلا هيقدر يكون اسره او حتى يرتبط وهو بالشكل دا
الا اذا
ارتبط بحد زيه ... سعتها الاسره كلها بتكون مبنيه على غلط واساسها الموضوع دا
الشخصيه القويه
بالنسبه للعاقل .. لما تسمع كلامه بس من غير ما تشوفه او تعرفه ; تقدر تكون شخصيه وهميه عنه
لدرجه ان انته هتتجنن وتشوفه او حتى تقعد معاه
على عكس التافه ... ممكن بكلمه واحده منه تقدر تكون شخصيه وهميه عنه
وتندم ان انته ضيعت وقتك معاه او حتى عرفته
الاسرار
بالنسبه للعاقل ... هو سيد نفسه .. يعنى محطش صبعى تحت ضرسك واترجاك انك متعضنيش ..
هو مالك اسراره ... مش بيسمح لحد تانى انه يشاركه فيها
على عكس التافه ... وخصوصا لما تكون شله ... يتبسطوا اوى لما يكونوا عارفين كل حاجه عن بعض ..
ومفكروش ان بعد كده فى حياتهم الاسريه ان ازاى حد ممكن يأتمنهم على سر
او حتى يمنحوا ثقته .
.
.
.
انا مش عاوز اطول أكتر من كده
ممكن يكون فى مواضيع تانيه بنفس الشكل دا
اذا حد حب يرد او يشارك برأيه
ياربت يفكر الاول كويس قبل ما يرد ... ردودك اللى بتكتبها هيه انعكاس لـ شخصيتك
ممكن بسطر واحد او سطرين
توصل الكلام على عكس اى حد تانى .. ممكن يكتب صفحه كامله وهو اصلا مش عارف دا ايه !!
بالتوفيق . .
