first step with JAVA .... 1

بسم الله الرحمن الرحيم

السلام عليكم ورحمة الله وبركاته ؛؛

في البداية الموضوع دا موضوع للكل .. مش بس للناس المشتركة في الجافا .. وهحط فيه إزاي نبتدي مع الجافا .. أكيد في ناس كانت عاوزه تجرب الجافا .. بس محتاره هتعمل ايه ؟ طيب الجافا دي هبرمج بيها ازاي

او هي فين الجافا دي ؟

######################################

في البداية :: لما كنا بنبرمج بالسي شارب .. كنا عارفين ان السي شارب دي لغة برمجة عملتها مايكروسوفت واهتمت اهتمام كبير جدا ... وكان الغرض من انشاء اللغة دي .. هي جعلها تحت منصة الدوت نت (( .Net ))

تم الاعلان عنها في عام 2000 .. مع الاعلان عن بيئة الدوت نت

لذلك عشان نشغل البرامج المعموله بالسي شارب (( أو احدي لغات الدوت نت )) لا بد من توافر بيئة الدوت نت علي الجهاز .

وعشان ابرمج بالسي شارب .. كان عندي برنامج الفيجوال سي شارب او الفيجوال ستويديو .. وكلاهما IDE

يعني ايه IDE ؟؟ .... (( Integrated Development Environmebt ))

يعني بيئة تطوير متكاملة وابسط تعريف ليها .. ان هيا برنامج بيقدم تسهيلات للمبرمجين في عمية تطوير البرامج

التسهيلات زي ايه ؟ من اهم التسهيلات دي .. القائمة المنسدلة اللي بتظهر مجرد كتابة كلمة معية

وعكس الـ IDE .. الـ Command Line زي ما هنشوف بعدين .



##########################################################


JAVA .......... SUN

ايه ؟
ليه ؟
إزاي ؟

دول 3 اسئلة لابد لااااااااااااابد انهم في دماغ كل واحد دلوقتى بيقرأ الموضوع

انا بقولك .. اسكت مش انا عملت برنامج بالجافا !!

اول سؤال هيدور في دماغك ايه ؟؟ ......... هتقولي ايه !! هي ايه الجافا دي ؟؟

اقوم اقولك .. " لغة برمجة " ... بعدين هتقولي ايوة ايه هيا يعني .. يعني ايه جافا ؟؟ هي لغة برمجة بعمل بيها البرامج والتطبيقات المختلفة .. مثل برامج الديسك توب والألعاب وغيرها ...

ليه ؟؟؟ اشمعني جافا ؟؟ او ليه الجافا ؟؟

معلش هنأجل الإجابة علي السؤال دا ضمن إجابة السؤال الثالث . تابعوا

#########################################################

إزاي أتعامل مع الجافا ؟؟

في البداية قبل ما أبرمج بالجافا أو قبل ما أقرا في الSyntax بتاع اللغة .. هنحتاج الـ Platform اللي هبرمج عليها .. وان شاء الله هنستخدم الـ Java Platform Standard Edition

للاختصار ,, (( JSE )) أو (( J 2 SE ))

ايه هيا الـ ( JSE ) هي عبارة عن Develoment Kit .. تحتوي علي الـ



Java Virtual Machine
API << Application Programming Interface
Compiler




يعني هي عبارة عن عدة التطوير اللي هستخدمها عشان ابرمج بالجافا

1 -- أول حاجة انا بكتب الكود
بعدين ببقي عاوز اجرب الكود عشان اشوف صح ولا غلط ؟؟

اللي بقيوم بالوظيفة دي هو الـ Compiler

طيب ايه هيا الـ API والـ Virtual Machine

2 -- API ........................................ هي عبارة عن مكتبات تحتوي علي أكواد جاهزة بتستخدم في تطوير البرامج

Java APIs are libraries of compiled code let you add ready-made and customizable functionality to your programs to save coding time.

._.-._.-._.-._.-._.-._.-._.-._.-._.-._.-._.-._.-._.-._.-._.-._.-._.-._.-._.-._.-._.-._.-._.

3 -- Virtual Machine

لو تفتكروا انا قولت فووووووووووووق عشان اشغل البرامج المعموله بالسي شارب
لابد من توافر بيئة الدوت نت ( .NET )

اذا بدون الدوت نت .. مقدرش استخدم البرامج دي .

سحقاً

يعني مينفعش اخد البرامج دي علي الماك ؟؟ مينفعش اخدها علي اللينوكس ؟؟

تباً

أينعم لا يمكن ........... الا اذا توافر الدوت نت .


هنا تظهر الجافا مرفوعة الرأس ........................ وتقول لك ،، اعمل بي البرامج .. وخدها في اي حته
شغلها انشله تشغلها في الأوبريتنج سيستم اللي انت راسمه في خيالك ولسه متعملش اصلا

كيف ؟؟

Virtual Machine ............ بعد بناء التطبيقات بالجافا .. وعند تشغيلها فإنها تُنفذ أولا داخل برنامج يسمي الـ Java Virtual Machine بدلا من التعامل مباشرة مع الـ OS .

بمعني

Java programs are executed within a program called the JVM. Rather than running directly on the native operating system, the program is interpreted by the JVM for the native operating system. This is key to making your programs portable from one platform to another. In other words, you can develop your programs on a Solaris, Linux, Macintosh, or Windows, then run it on another server or platform.

وبكدا أكون اجبت علي السؤال التاني اللي أجلناه



ياااااااااااااه انت رغاي اوي يعم ... عاوزين نشتغل بقي عاوزين نقول helloworld

طب الأول فاكرين لازم يكون عندنا ايه عشان نشتغل جافا ؟؟

Java Platform وقولنا هنستخدم الـــــــــــــــــــــــJSEـــــــــــــــــــــ Java Standard Edition

في طريقين .. نقدر نختار اي واحد فيهم براحتنا

-- طريق الـ IDE

-- طريق الـ Command Line

وان شاء الله هنشتغل بالـ IDE ......

الموضوع واصله .. اني انا بمجرد ما يبقي عندي الـ platform اللي هشتغل عليها .. اقدر ابرمج من غير برامج ... يعني مثلا الـ Notepad .. أقدر أكتب الكود بتاعي فيه عادي جدا .

ودا طريق الـ Command Line ...السطر الكودي .. او سطر الأوامر

أما الـ IDE .. فقولنا قبل كدا انها بيئة تطوير متكاملة .. نقدر نقول زي ما بنقول في اللينوكس . GUI

Graphical User Interface

###############################################

طيب يعني ايه النظام ؟؟ ........ النظام ان احنا هننزل الـ JSE With NetBeans

الـ NetBeans دا هو الـبرنامج اللي هنشتغل بيه .. بدل من الـ Notepad

بيختلف عن الـ Notepad في ايه ؟؟؟ بيختلف ان انت مش محتاج تكتب كل حاجة بايدك

مثال بسيط ... انت عشان تعمل ( Button ) باستخدام السطر الكودي .. يعني باستخدام الـ Notepad

محتاج سيادتك تقوله عرض وطول الـ button ومكانه علي الـ Form .. مكانه ازاي يعني ؟

مكانه بالنسبة لارتفاع الـ Form ومكانه بالنسبة لعرض الـ Form

طبعا باعتبار الـ (0 , 0 ) >> هي الـ Upper Left Cornner

أما الـ NetBeans ... ارمي Button علي الـ Form .. وكبر وصغر وحرك براحتك بدون كتابة اي سطر

ـــــــــــــــــــــــــــــــــــــ ملحوظة ـــــــــــــــــــــــــــــــــــــــ

الكلام اللي فوق دا للتوضيح فقط بين الـ IDE والـ Command Line

ـــــــــــــــــــــــــــــــــــــــــــــــــــــــــــــــــــــــــــــــــــــــــ

رجعت ترغي تاني يعم ... ياللا خلص بقي

حاضر خلاص ياللا ننزل الـ JSE With NetBeans

http://java.sun.com/javase/downloads/netbeans.html

هتتكه ( حلوه تتكه دي ) هتضغط يعني علي Download في اليمين

بعدين هينقلك علي صفحه .. هتختار نظام التشغيل بتاعك .. واللغة

وتعمل Continue

وتسيبه يحمل براحته

_____________________________ ملحوظة _____________________

إن شاء الله مع القراءة المستمرة هنعرف اكتر عن الـ Platforms الأخري

________________________________________________________


وووووووووووووووو اشوفكم في الدرس الجاي وهيبقي اخر درس قبل ما نبدأ في الكتب والكورس اللي المفروض ان دي مقدمة فقط عشان لما نبدأ منبقاش ملبوخين

يارب اكون قدرت اوصلكم المعلومات بشكل صحيح ........ واسف جدا جدا جدا علي الإطالة .

لا أريد منكم جزاءا ولا شكورا .......... ياريت بس اللي يدخل يقرأ الموضوع كويس

ولو افتكرني في الاخر بدعوه حلوة كدا يبقي كتر خيره

Falcon

تمام يا محمود
هزود شويه حاجات

لما بنجى نسمع عن الجافا بنسمع انها object oriented

يعنى ايه بقى الكلمه ديه؟؟؟
 قبل ما اقول يعنى ايه هتكلم شويه عن structrued language

فى دنيا البرمجه فيه طريقتن لتصميم البرامج واللى هما
1-structrued language
2-object oriented

اول واحده معناها ان البرنامج بيتكون من اكواد متسلسله بتتنفذ واحده ورى التانيه بنفس ترتيب الكتابه بالظبط
وفى حاله الكود الكبير البرنامج بيتقسم لاجزاء كل جزء اسمه function - sub-subprogram
بس مفيش علاقه بين الاجزاء ديه

انما فى object oriented
هنا انا بعتمد عل محاكاه العالم الخارجى فى  فكره الكينونه
بمعنى ان مفيش كائن لوحده كده لازم يكون له علاقه بالاخرين مهما يكون الكائن ده
نجى بقى نطبقه فى البرمجه هنلاقى ان البرنامج عباره عن اجزاء صغيره فيه علاقات بينهم

انما ال object
هشرحه بمثال
لمااقول  عربيه تقدر تقولى لونها او نوعها او اى حاجه عنها
مش هتعرف لان بكل بساطه كلمه عربيه كلمه عامه مش محدده
طب لو قولتك العربيه اللى واقفه ادماك ديه
هنا بقى تقدر لانها بقت كائن object
موجود فعلا وله صفات بتميزه عن غيره

فى كلمه تانيه هزودها

event driven
ده مصطلح بيتقال عل برامج الدسك توب لان عشان البرنامج يشتغل لازم event معين يحصل 
زى لما اجى افتح النوت باد عارفين ان النوت باد فيه كود بسيف الصفحه بس هل الكود بيتنفذ اول ما اكتب كام كلمه
 لا طبعا لازم اختار تسيف  اللى هو ال event
***********************************
نجى بقى نشوف انواع الجافا  خد بالك انواع  الجافا نفسه مش انواع برامج الجافا
الجافا عموما بتنقسم لتلات انواع
1-j2me   اختصار  micro edition
2-j2se         // standard  //
3-j2ee         // entrprise  //

زىما ما محمود قال ان لغه الجافا بتحتوى عل api
والفرق بين التلاته هيا كميه api
يعنى الميكرو اقل واحده لانها خاصه ببرامج الاجهزه الصغيره الىل مش فيها امكانيات كبيره او كده
زى الموبيلات  
اما standard فديه اكبر من اليمكرو شويه وفيها الapi  اللى اقدر بيه اتعامل مع resource  اى جهاز  زى  الملفات  والشبكه  وui
النسخه التلاته بقى فديه  الاكبر من حيث ال api وديه خاصه  بالبرمجيات اللى بتتعامل عل مستوى السيرفرات  




انتهى  
تابعونا فى حلقات هنتعلم جافا
هيه هيه هيه هيه

معلش يا بشمهندس
البرنامج مش راضى يفتح معايا
بعد ما عملت دون لود وعملت انستول على الجهاز
طلعلى رساله ايرور بتقول
JDK 5.0 or newer cannot be found on your machine
مش عارفه بقى ده اييييه؟؟؟

اه معلش يا بشمهمندس
نسيت اقول البرنامج الحمد لله سطبته
شكرا جدا