بخصوص ubuntu 8.4 مساعدة بالبيرل

السلام عليكم ورحمة الله وبركاته
يا شباب انا حملت البيرل عندي بالجهاز على ابونتو 8.4 الجديدة
ولما ادخل على هذا المسار
system>>preferences>>advanced desktop Effects setting
بيدخل عادي وبشوف المؤثرات وكل شيء تمام بعمل على المؤثرات اوك؟
وبعدين عشان عايز اشوف تأثيرها على الشاشة مالقيش غير يمكن تلاتة بس الي شغالين يعني اقدر اخلي نافذة المتصفح تتمايل واقدر اروح يمين الشاشة فقط
انما تأثير المكعب هذا كما في الصورة [ندعوك للتسجيل في المنتدى أو التعريف بنفسك لمعاينة هذه الصورة]
مش عارف اعمله اذاي
ومش فاهم اية هو مفتاح super
يعني اي زر باللوحة المفاتيح
ياريت تساعدوني يا شباب

السلام عليكم
بالنسبة للمكعب
انت اول حاجة لازم تبقى عامل التأثير اللي اسمه Desktop Cube
و بعدين اعمل التأثير اللي اسمه Rotate Cube


بالنسبة لمفتاح Super
ده اللي هوا المفتاح اللي معمول عليه علامة الـ(لا مؤاخذة)ـوندوز



وبالمناسبة
البرنامج بقى اسمه Compiz-Fusion مش Beryl

صح كلامك اسمه الأن compiz-Fustion
بس انا عملت زي ما حضرتك بتقول
ومش عارف اعمل الشكل الي انا عايزه برضوا لانه بيجيبلي بس نافذتين اقدر اتحرك بينهم مش اربعة
ودي صورة توضح ما يلي
[ندعوك للتسجيل في المنتدى أو التعريف بنفسك لمعاينة هذا الرابط]

الحمد لله انه اشتغل

لو عايز بقى تخلي عندك 4 ديسكتوب

ادخل برضه في الـCompiz-Fusion Settings و ادخل General Options
هتلاقي 3 تاب فوق اسمه Desktop Size
خلي الـHorizontal اللي عندك 4 بدال ماهوا 2

بس كده ... عيش بقى

انت راجل زي العسل
روح ياشيخ الهي تتجوز الي بتحبها وتنجح وتبقى من ذو المبرمجين
تحياتي لك بالعطور الفرنسية

بس اذاي اخليها شفافة؟ نفس في الصورة فوق

وياريت لو في رابط طريقة تركيب الثيمات مع الايكونات لاني عملت نفسي الطريقة الي هي كليك يمين بالديسك توب واعدادت الشاشة وبعدين ثيم وانستول رافض انه يعمل الثيم او بيعملي عليها علامة استفهام وعايز ارفعها مع الايكونات الي بتكون في التول بار تحت دي ولك مني جزيل الشكر مقدماً

معلش سؤال اخير كيف اخلي النوافذ شفافة كهذه
[ندعوك للتسجيل في المنتدى أو التعريف بنفسك لمعاينة هذه الصورة]

انا عرفت اذاي اركب الثيم بس تخيل لما بدخل
system>>>preference>>> المفروض الاقي ايكونة themes
تخيل بقى
مش موجودة

في تأثير اسمه Fade تقريبا
انا مجربتوش قبل كده بس من اسمه باين انه هو اللي بيعمل كده
معلومة كمان ... انت لو جيت على أي وندو قدامك و ضغطت Alt+mouse Scroll down هتبقى شفافة شوية و تقدر تشوف اللي وراها
و طبعا عشان ترجعها تاني alt+mouse scroll up


بالنسبة لمشكلة الـtheme icon
ممكن بدال كده تعمل launcher في الدسكتوب حتى
و تخلي الكوماند بتاعه
gnome-appearance-properties

شكرا بودي على المساعدة
تقبل تحياتي