منتديات نور الهدى

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

+2
Abd El-Hamid IbrahiM
رزان
6 مشترك

    كأس العالم

    رزان
    رزان
    مشرفة القسم الأسلامى
    مشرفة القسم الأسلامى


    انثى
    عدد الرسائل : 2080
    العمر : 34
    نقاط : 15
    تاريخ التسجيل : 19/06/2007

    كأس العالم Empty كأس العالم

    مُساهمة من طرف رزان الأربعاء 4 يوليو 2007 - 10:58

    جُوّا الملعب
    شُفت فريقنا العربي الباسل
    لاعب مصري..
    لاعب سوري..
    لاعب لِيبي..
    واللي سعودي
    واللبناني، والإماراتي..
    واللي عراقي، واللي كويتي.....
    كله بيلعب في فريق واحد
    ضدّ فريق.. من لاعب واحد..
    من صهيون..
    حاجة غريبة!!
    لاعب واحد من صهيون؟!!!
    حتى ما فيش لُهْ حارس مَرْمَى
    و شبكتُه فاضيه وْبتنادي للّي يشُوط
    لكنْ حارْس المرمى بتاعنا...
    كان موجود
    اسمُه مْحمّدْ
    ابن الدُّرَّه لو فاكرينُهْ
    ابن الدُّرَّهْ... واقف حارس
    علشان يحمي الشبكة الحرة
    والتحكيم... تحكيم أمريكي
    علشان يبقى الحكم "نَزِيه"
    وعشان نِرْضى بكلّ ما فيه!!
    و الجمهور طبعًا أمريكي
    ويَّا يهود..
    كان منظرهم... زيّ الدود
    أما الملعب..
    زى ما قالوا..
    أرض مُحايدة
    علشان يبقى اللعب بفايدة!!
    كان الملعب... "أرض القدس"
    كاس العالم... كان "الأقصى"
    * * *
    المباراة بدأت يا جماعة
    والصهيوني شادد حِيلُه وِسْط الملعب
    أما فريقنا العربي الباسل
    اتقسِّمُوا تشكيل كالآتي
    واحد فيهم... من أوّلها ساب الملعب
    علشان شاف سنيورة جميلة
    ماشية و شاورت لُه بعينيها.. ساب الماتش وراح ويَّاها!!
    * * *
    لاعب تاني
    ضِمْن فريقنا العربي الباسل
    واقف لابس..
    الجلبية البيضا ايَّاها
    وعلى دماغُه الشال الأبيض
    خايف يلعب
    خايف ع الجلبية البيضا أحسن تتبقّع م الكورة
    خايف يجري
    أحسن دِيلها يروح مرفوع..
    وساعتها هتبان العُورة
    ودا ممنوع
    والتحكيم لو شافُه ساعتها رافع دِيلُه
    هيطلَّع لُه الكارت الـ...
    عفوًا
    *****
    لاعب تالت
    دق"الخِيبة"... قصدى الـ...... ـخِيمة
    جنب الملعب
    مَدِّدْ فيها علشان كان الملعب حَرّ!!
    *****
    لاعب رابع
    ساب الملعب
    وورا الشبكة قاعد حافي
    هوا وواحد م الجمهور
    مُنسجمين وبيلعبوا "طاولة"
    *****
    لاعب خامس
    آه م الخامس!!
    بَصّ بعينُه..
    ما لقاش حدّ من الجمهور..
    بيشجّع منتخبُه العربي
    عِرْق النخوة ضرَب في دماغُه
    قال: "ازاي ما لناش جمهور؟!!!!!"
    ساب الملعب زي زمايلُه وْنَطّ السور
    ووقف وِسْط الناس بينادي ويسقَّف بإيديه ويقول:
    "يحيا فريقنا العربي الباسل...
    يحيا فريقنا العربي الباسل...
    يحيا فريقنا العربي الباسل..."
    !!!!!!!
    *****
    لاعب سادس...
    لاعب سابع...
    لاعب عاشر...
    كل فريقنا العربي الباسل...
    ساب الملعب!!!
    إلا مْحمّدْ
    ابن الدُّرَّة
    حالِف يِحمي الشبكة الحُرّة.. م الصهيوني
    والصهيوني...
    ماشي وِسْط الملعب وحدُه..
    يتمخطر...
    راكب دبابة جُوا الملعب
    قُلنا: "ازاى يركب دبابة جُوا الملعب؟!!!
    هوا ما فيش تحكيم يا جماعه؟!!"
    التحكيم قال: "ما فيهاش حاجة...
    كَمِّل لِعب
    فاضل نُصّ دقيقة واصفَّرْ
    وانْهِي خلاص الشوط الأول".
    * * *
    الصهيوني..
    داخل ع الشبكة العربية
    ومْحمّد واقف ومْصمِّم...
    وبيتشاهِد...
    والصهيوني قرَّب مِنُّهْ
    وضرَب طَلْقِةْ مدفع دخلِتْ جُوّا الـ......... جُوووووووووووووووف...!!!!
    عُروبتنا ماتت م الخوف...
    والله برافو على الرجالة..
    ليه يا مْحمّد؟
    ليه نشِّفت دماغك يا ابني؟
    ليه ما عملتش زي زمايلك؟
    ليه ما جريتش وسِبْت الملعب لما لقيت المدفع جايلك؟
    ليه يا محمد؟
    ليه يا محمد؟!!!
    * * *
    الجمهور دَمَّعْ...... م الفرحة
    علشان فازوا الشوط الأول
    وبيتمنُّوا يفوزوا كمان الشوط التاني
    علشان ياخدوا من أراضينا...
    ... "كاس العالم"
    رُوح العالم...
    طُهْر العالم...
    لكن لأ...
    المباراة لسه ماخلصتشي
    بين الشوط والشوط فيه راحة
    وانا باعلِنْها بكل صراحة..
    لازم كل فريقنا العربي يتجمَّع ويْعِيد ترتيبُهْ
    قبل الشوط التاني ما يبدأ
    ويفكر...
    ازاي هيرجَّع... حَقّ "محمد"
    وساعتها كُلّنا هنشجَّع:
    يحيا "محمد"... واللي معاه
    واللي بينصُر دين الله
    والتحكيم هيكون إسلامي مش أمريكي
    والجمهور جمهور إسلامي... مش أمريكي
    يا كل الدول العربية...
    يا كل "فَرَاوْدِةْ" ملعبنا
    لو نتعاهد... إننا نفضل جُوّا الملعب
    راح نستاهل "كاس العالم"
    نبقى أسُود ونْسُود العالم
    قُوم يا فريقنا...
    قُوم الوقت ماهوش ويَّاك
    مش هيفيد "الوقت الضايع"
    إوعى تكون مستنّي فَرَاوْدَه مِن "حِطّين"!!
    ولاَّ مُدَرِّبْ شاطر إسمُه "صلاح الدين"!!
    فُوق يا فريقنا..
    الملعب مافيهوش الا انتَ
    قُوم يا فريقنا..
    شِيل رجليك يَلاّ من الطين
    دي فلسطين...
    دي الأقصى والروح والدين...
    قُوم يا فريقنا..
    غَيَّرْ مَجْرَى الشوط التاني..
    يِمْكِن ناخُدْ...
    ..."كاس العالم"...
    منقوووووووووووووووووووووووول


    عدل سابقا من قبل في الثلاثاء 28 أغسطس 2007 - 17:28 عدل 1 مرات
    Abd El-Hamid IbrahiM
    Abd El-Hamid IbrahiM
    ( مدير المنتدى )
    ( مدير المنتدى )


    ذكر
    عدد الرسائل : 3172
    Location : IN THE GREEN LAND
    Favorites : Linux adminstration and security
    نسبة احترام قوانين المنتدى : كأس العالم E7tram11
    نقاط : 554
    تاريخ التسجيل : 14/06/2007

    كأس العالم Empty رد: كأس العالم

    مُساهمة من طرف Abd El-Hamid IbrahiM الأربعاء 4 يوليو 2007 - 11:17

    قصيييييده راااائعه جدا .. ما شاء الله
    جزاكى الله كل خير
    اللهم اعنا على نصرة دينك ورسولك وارضك
    اللهم ااامين
    Alex M!D0o0
    Alex M!D0o0
    مشرف منتدى اخبار الرياضة
    مشرف منتدى اخبار الرياضة


    ذكر
    عدد الرسائل : 2784
    العمر : 34
    Location : With My Love OoOoOoOoOnly
    Favorites : FootBall - Internet
    نقاط : 898
    تاريخ التسجيل : 18/06/2007

    كأس العالم Empty رد: كأس العالم

    مُساهمة من طرف Alex M!D0o0 الأربعاء 4 يوليو 2007 - 11:34

    بصرااااحه انا بجد مش لاقى وصف للقصيده دى ..... القصيده اكثر من رائعه

    ومؤثرة جداااااااااااااااااا جداااااااااااااااااااااا

    جزااااااااااااااكى الله خيرا عن القصيده دى شكراااااااااااااا

    اللهم انصرنا عليهم وارينا فيهم عجائب قدرتك
    elahlawy
    elahlawy
    مشرف منتدى البرمجيات
    مشرف منتدى البرمجيات


    ذكر
    عدد الرسائل : 1355
    العمر : 34
    Location : مش على الخريطة
    Favorites : كرة الطائرة - الانترنت
    نقاط : 306
    تاريخ التسجيل : 16/06/2007

    كأس العالم Empty رد: كأس العالم

    مُساهمة من طرف elahlawy الأربعاء 4 يوليو 2007 - 11:42

    شكرا على القصيدة الجميلة دي ....

    جزاكي الله خيرا ....
    karema.mohammed
    karema.mohammed
    عضــو شــرف
    عضــو شــرف


    انثى
    عدد الرسائل : 141
    العمر : 35
    Location : el mansora
    Favorites : no
    نقاط : 0
    تاريخ التسجيل : 25/06/2007

    كأس العالم Empty رد: كأس العالم

    مُساهمة من طرف karema.mohammed الأحد 8 يوليو 2007 - 3:27

    قصيدة وكلامك يزلزل جبال فوق الوصف جزاكي الله الف خيرا يا بشمهندسة رزان
    Hunikal
    Hunikal
    مشرف منتدى برمجة الويب
    مشرف منتدى برمجة الويب


    ذكر
    عدد الرسائل : 1914
    العمر : 34
    Location : Alexandria
    نقاط : 183
    تاريخ التسجيل : 19/06/2007

    كأس العالم Empty رد: كأس العالم

    مُساهمة من طرف Hunikal الأحد 8 يوليو 2007 - 21:18

    بسم الله الرحمن الرحيم

    ماشاء الله لا قوة الا بالله
    القصيدة جميلة جدا والله فعلا صعب التعبير عنها
    جزاكي الله خيرا

      الوقت/التاريخ الآن هو الإثنين 13 مايو 2024 - 1:34